Jurt dámhanaǵa tamaq ishýge kelse Petropavldyń bir turǵyny aqsha urlaýǵa kelipti. Ol kassırdiń kózin ala berip, kassadaǵy barlyq aqshany qaqshyp ketken. Osy «Krevetka» dámhanasynyń ákimshisi kassadan 126 myń teńgeniń qoldjy bolǵanyn polısııaǵa jetkizgende ury izin sýytyp úlgergen edi.
Jedel-izdestirý is-sharalary barysynda urlyq jasady degen kúdikpen buryn qaraqshylyq úshin sottalǵan Petropavl qalasynyń 27 jastaǵy turǵyny ustalyp, polısııa bólimine jetkizildi. Bul urlyqty ashýǵa krımınalıster zor úles qosty. Jaýap alý kezinde kúdikti kassadan aqsha urlaǵanyn rastady. Sol kúni ol dámhanaǵa eki tanysymen barǵan. Barda eshkimniń joq ekenin baıqaǵan ol kassaǵa aram qolyn suǵyp jibergen eken...
Qazir onyń ústinen QK «Urlyq» boıynsha sotqa deıingi tergeý júrgizilýde, kúdiktige qatysty mindetti kelý túrindegi bultartpaý sharasy taǵaıyndaldy. Istiń mán-jaıyn tolyq, jan-jaqty jáne obektıvti zertteýge baǵyttalǵan tergeý amaldary júrgizilýde. Sondaı-aq, kúdiktiniń basqa qylmystarǵa qatystylyǵy tekserilýde.
PETROPAVL