Nur-Sultanda tártip saqshylary tóbetterdi polısııa qyzmetinde qoldana bastady, dep habarlaıdy Egemen.kz.
Tóbetter alǵash ret polısııa qyzmetinde qoldanyla bastady. Bul týraly onlaın-brıfıngte IIM basshysynyń keńesshisi Nurdildá Oraz aıtyp ótti.
"Nur-Sultan qalasynyń Polısııa departamentiniń kınologııalyq qyzmet ortalyǵynda tóbetter alǵash ret polısııa qyzmetinde qoldanyla bastady. Kúshikter Almatydan ákelingen. Búginde olar jattyqtyrylyp jatyr", dedi Nurdildá Oraz.
Itter esirtki tabý jáne adamdardy ıisteri arqyly anyqtaýǵa úıretilip jatyr. Nur-Sultan qalasynyń Polısııa departamentiniń kınologııalyq qyzmet ortalyǵynda 38 ıt qyzmet etedi.
Olardyń basym kópshiligi – nemis jáne belgııa ovcharkalary. Kınologtardyń aıtýynsha, tóbetter jaqsy úıretiledi jáne basqa ıtterden kem túspeıdi.