Qalalyq volonterler shtaby Almaty aýdany ákimdigimen birlese otyryp, aýdandaǵy 50 qartqa áleýmettik kómek kórsetti, dep habarlaıdy Egemen.kz ákimdiktiń baspasóz qyzmetine silteme jasap.
«Qalalyq shtab eriktileri egde jastaǵy jandarǵa turaqty kómek kórsetip keledi.
Qyrkúıek-qazan aılarynda da kómekke muqtaj jandardyń aýlasyn, úı-ishin tazalap, 30-ǵa jýyǵyna arnaıy azyq-túlik sebetin jetkizdik. Biz ardagerlerge qandaı kómek qajet ekeni týraly aqparatty aýdandyq Ardegerler keńesinen bilip otyramyz. Olar bizge naqty tizim beredi. Qarttar kúniniń aıasynda Almaty aýdany ákimdigimen birlese otyryp, aýdandaǵy 50 qartqa áleýmettik kómek kórsettik», - deıdi Nur-Sultan qalalyq jastar saıasaty basqarmasynyń bólim basshysy Aqulan Tastemir.
Elordalyq eriktiler shtaby «Volonterler jyly» aıasynda jalǵyzbasty qarttarǵa, UOS ardagerlerine, tyl eńbegi ardagerlerine, múgedek zeınetkerlerge turaqty kómek kórsetip keledi.
«Jyl basynan beri júzden astam qarttyń aýlasyn qoqystan tazartyp, úı-sharýasyna kómektesý, azyq-túlikterin ákelip berý sekildi jumystardy atqaryp kelemiz. Jeńistiń 75-jyldyǵyna arnap, ardagerlerdiń aýlasynda Memlekettik akademııalyq fılarmonııasymen birge, avtobýspen shaǵyn konserttik baǵdarlama da usyndyq. Sáıkesinshe, turmysqa qajetti áleýmettik sebetter de taratyldy. Qorǵanys mınıstrligimen birigip, tyl eńbegi ardagerlerine medaldaryn tabys etýmen de aınalystyq. Sebebi karantın kezinde qarttardyń syrtqa shyǵýy qaýipti edi. Sonymen qatar, dári-dármekter men vırýstan qorǵaný quraldaryn da tarattyq», - deıdi Aqulan Tastemir.
Búginge deıin az qamytylǵan 150-den astam qartqa azyq-túlik sebetteri tabystalǵan.
Aıta keteıik, kómek qajet etetin egde jastaǵy azamattaı 109 IKomek ortalyǵyna ótinish bere alady.