Aýdandyq jáne qalalyq bilim bólimderiniń basshylaryn oblystyq bilim berý basqarmasynyń basshysy taǵaıyndaıtyn bolady. Bul týraly Bilim jáne ǵylym vıse-mınıstri Bıbigúl Asylova aıtty.
"Oblystyq deńgeıde ortalyqtandyrýdy eskerip, oblys ákimdikteriniń aldynda barlyq bilim berý uıymdaryn ornalasqan jerine qaramastan teńgerimdi ári ataýly qarjylandyrýdy qamtamasyz etý boıynsha mindet júkteledi. Mınıstrlik bilim berý basqarmalarymen ózara tyǵyz qarym-qatynasty qalyptastyra otyryp, óz sheshimderin barynsha tıimdi qabyldaı alady jáne eldegi árbir mektepke nemese balabaqshaǵa ádistemelik kómek kórsetedi. Osy ózgeristerge baılanysty bilim berý bólimderiniń basshylaryn taǵaıyndaý prosedýrasy ózgeredi. Endi olardy ákimder emes, oblystyq bilim berý basqarmalarynyń basshylary taǵaıyndaıdy", dedi Bıbigúl Asylova.