Soltústik Qazaqstan oblysy ákiminiń Qurylys, kólik jáne avtomobıl joldary jónindegi orynbasary qylyp Prezıdent Ákimshiliginiń kelisimimen Qumar Aqsaqalov óziniń ókimimen Týrkov Ivan Ivanovıchti taǵaıyndady, dep habarlaıdy Egemen.kz.
1976 jyly burynǵy Kókshetaý oblysynyń Krasnoarmeısk qalasynda týǵan I.Týrkov buǵan deıin Taıynsha aýdany ákiminiń orynbasary, Jambyl aýdanynyń ákimi bolǵan. Onyń sońǵy qyzmeti Taıynsha aýdanynyń ákimi.
Oblys ákiminiń otyrysynda osy kadrlyq taǵaıyndaýdy jarııalaǵan Q.Aqsaqalov orynbasaryn qıyn ýchaskedegi jumysty belsendi atqarýǵa shaqyrdy. "Biz qurylys qarqynyn tómendetpeı 2021 jyly da osy ekpindi saqtaýymyz kerek. Avtomobıl joldaryn jaqsartýǵa belgilengen baǵdarlamalar tolyǵymen oryndalýyn qadaǵalaýyńyz kerek", dedi ol.
Soltústik Qazaqstan oblysy