"Nur Otan" partııasy tóraǵasynyń birinshi orynbasary Baýyrjan Baıbek Májilis pen máslıhattaǵy partııalyq tizim qalaı jasalatynyn aıtyp berdi. Bul týraly partııasy tóraǵasy Facebook paraqshasynda jazdy, dep habarlaıdy Egemen.kz.
"Qurmetti dostar! О́tken aptada "Nur Otan"-nyń partııaishilik saılaýynyń birinshi kezeńi aıaqtalyp, reıtıngtik daýys berý qorytyndysy jarııalandy. Oǵan "Praımerız" aqparattyq júıesinde tirkelgen partııa músheleriniń 662 687-si nemese 84,2%-i qatysty. О́zderińizge málim, Elbasy, partııa Lıderi Nursultan Nazarbaevtyń tapsyrmasy boıynsha keminde 30% áıelder men 20% - 35 jasqa deıingi jastarǵa berilgen kvota eskerilip, Májilis pen barlyq deńgeıdegi máslıhattarǵa arnalǵan saılaýaldy partııalyq tizimder jasalady.
Sondyqtan búgin Primaries.kz portalynda qatysýshylardyń jalpy reıtıngterimen birge, áıelder men jastar arasynan túsken kandıdattardyń reıtıngteri de jarııalandy", deıdi Baýyrjan Baıbek.
Onyń aıtýynsha, partııaishilik irikteýdiń ekinshi deńgeıinde aýdandyq jáne qalalyq konferensııalar ótkizilip, onda tıisti máslıhattar saılaýyna arnalǵan partııalyq tizimder bekitiledi.
Sondaı-aq, osy konferensııalarda saılaýshy-delegattar jasyryn reıtıngtik daýys berý jolymen joǵary deńgeıdegi óńirlik máslıhattar men Májiliske arnalǵan partııalyq tizimderge qosý úshin úmitkerlerdi saılaıdy. Kandıdattar aldaǵy pikirsaıystarda taǵy da baǵyn synaıdy. Respýblıkalyq mańyzy bar qalalardy qospaǵanda Májiliske úmitkerler eki ret – aýdandyq jáne oblystyq konferensııalarda pikirsaıysqa túsedi.
"Praımerız erejesine sáıkes Parlamenttiń tómengi palatasyndaǵy "Nur Otan" partııasynyń qyzmettegi depýtattary oblystyq partııalyq konferensııalarda úshinshi deńgeıdegi partııaishilik irikteýge qatysa alady. Oblystyq máslıhattarǵa partııalyq tizimder tıisti konferensııalarda, al Májiliske arnalǵan qorytyndy tizim – "Nur Otan" Sezinde bekitiledi. Ashyqtyq pen aıqyndyqty qamtamasyz etý úshin praımerızdiń barlyq kezeńi partııanyń saıtynda, sondaı-aq BAQ pen áleýmettik jelilerde jarııalanady", dep jazdy ol.