«Astana» Prezıdenttik kásibı sport klýby (PKSK) jabylyp, quramyna kiretin sport klýbtaryn qarjylandyrý tártibi ózgeredi.
Atap aıtar bolsaq, «Astana» fýtbol klýby, «Astana» basketbol klýby, «Barys» hokkeı klýby jáne Astana Pro Team kásibı velokomandasy óz jumysyn jalǵastyrady jáne endi tikeleı «Samuryq-Qazyna» qorynan qarjylandyrylady.
Taratylǵan PKSK-nyń eks-basshysy Asqar Batalov Samruk-Kazyna Trust qory bas dırektorynyń sport máseleleri jónindegi orynbasary retinde qyzmetin jalǵastyra beredi.
Esterińizge sala keteıik, «Astana» PKSK 2012 jyly sportqa memlekettik qoldaýdy kúsheıtý, Qazaqstan men astananyń álemdik arenadaǵy oń ımıdjin nyǵaıtý, salamatty ómir saltyn nasıhattaýǵa jáne joǵary sporttyq jetistikterdi damytýǵa yqpal etý maqsatynda qurylǵan bolatyn.