Halyqaralyq dzıýdo federasııasy (IJF) Grand Slam týrnıriniń resmı túrde bastalatynyn málimdedi. Pandemııa bastalǵaly beri alǵash ret ótkiziletin jarys 23-25 qazanǵa josparlanǵan.
Týrnır Majarstannyń bas shahary – Býdapeshtte ótedi. Jarys barysynda koronavırýstyń aldyn alýǵa arnalǵan medısınalyq hattamaǵa basa nazar aýdarylady. Álemdegi epıdemııalyq jaǵdaıǵa baılanysty týrnır kestesine ózgeris enýi múmkin.
«Biz IJF erejelerine sáıkes «Úlken dýlyǵa» týrnıri ótetin kezdi asyǵa kútýdemiz. Týrnır densaýlyq pen qaýipsizdikti saqtaýǵa arnalǵan ǵalamdyq is-sharalar aıasynda ótedi. Biz COVID-19 jaǵdaıyna beıimdelip, súıikti sportymyzdyń qaıta oralýyna atsalysýdamyz. Sportshylar jarys alańyna qaıta oralý úshin biz qoldan kelgenniń bárin jasaımyz», deıdi IJF prezıdenti Marıýs Vızer.