Joǵary oqý oryndary budan bylaı bilim baǵdarlamasyn ózderi jasaıtyn boldy. Bul týraly Ortalyq kommýnıkasııalar qyzmeti alańynda Qazaqstan ýnıversıtetteri qaýymdastyǵynyń prezıdenti Rahman Alshanov málimdedi. Onyń aıtýynsha, búginde JOO-lar tarapynan bilim ordalaryn sanattar boıynsha bólý usynylyp otyr. Úkimet basshysynyń orynbasary jetekshilik etetin komıssııa bul máseleni talqyǵa saldy.
«Sońǵy jyldary bilim sapasyna basa nazar aýdarylyp júr. Búginde álemdik ýnıversıtetterge erkindik berý usynylyp otyr, Eýrazııa ýnıversıteti, Ál Farabı atyndaǵy ýnıversıteti. Olar bıikten kórinip júr. Endi olardy teksermeı-aq, zertteý ınstıtýttarynyń dárejesine kóterý, olarǵa qosymsha qarjy bólý, sheteldik stýdentterdi tartý, baılanysty nyǵaıtý, bilim jáne ǵylym salasynan shyqqan jetistikterdi óndiriske jetkizý josparlanyp otyr. Qazaqstan da básekege qabiletti bolý úshin birqatar talaptardy ózgertýde», - dedi R.Alshanov.
Spıkerdiń atap ótýinshe, tekserý barysynda keıbir ýnıversıtetterdiń talapqa saı emestigi anyqtaldy. Olardyń lısenzııalary qaıtaryldy. Keıbir ýnıversıtetter Instıtýt, Akademııaǵa aınalady.
«Pandemııa elimizde damyma qalǵan salalaryn kórsetti, mysaly, dári óndireý, vaksına shyǵarý. Osynyń barlyǵyn naqtylap, myqty ýnıversıtetter dúnıejúzilik dárejede básekege qabiletti bolatyndaı, halqymyzdyń ekonomıkasyn kóteretin jaǵdaıǵa jetkizý máselesi qaralýda», - dedi spıker.