Tizimge 12 joǵary oqý orny endi. Bul sheshimniń sebebin Qazaqstan joǵary oqý oryndary qaýymdastyǵynyń prezıdenti Rahman Alshanov túsindirdi. Bul týraly ol Ortalyq kommýnıkasııalar qyzmetinde ótken brıfıngte málimdedi.
"Problemalyq JOO-lar bar. Olardyń sany – 12. Olarmen áńgimelesý júrgizildi, aldyn ala tekserýler ótti. Qazir bilim sapasyn baqylaý komıteti olardyń lısenzııalaryn qaıtaryp alý týraly sheshim qabyldady. Bul paıdalanylmaǵandary. Mysaly, joǵary oqý oryndarynyń birinde 45 mamandyqtyń 27-si boıynsha 1-2 adam oqıdy. Bul tıimsiz. Sondyqtan qaıtardy. Pedagogıkalyq mamandyqtardy bári birdeı júrgize almaıdy. Bazasy, kadrlyq quramy jaqsylaryn qaldyratyn boldyq. Bıyl alǵash ret shekti ball kóterildi, medalmen bitirgenderdiń kóbi oqýǵa tústi, bul jaqsy úrdis. Bilim berý júıesin jetildirý boıynsha jumystar júrgizilýde", - dedi Alshanov.