Úkimettiń Qaýlysymen qazannyń 10 juldyzy Kásipodaqtardyń merekesi bolyp belgilengen. Bul kásibı mereke 2019 jyldan beri atalyp keledi, dep habarlaıdy Egemen.kz.
Keshe osy kúnniń qurmetine Soltústik Qazaqstan oblystyq Kásipodaqtar uıymynyń ókilderi Qyzyljar qalasynyń ortasyndaǵy Tuńǵysh Prezıdent saıabaǵyna aǵashtar otyrǵyzdy. Kásipodaqtar uıymdarynyń tóraǵasy Erik Nuraqaevtyń aıtýyna qaraǵanda bul is soltústikqazaqstandyq kásipodaqtardyń ardagerlerine degen qurmet. «Oblystaǵy kásipodaqtar uıymy 1991 jyly quryldy. Sol kezden beri kóptegen kásipodaq belsendileri ómirden ótti. Biz olardyń eren eńbekterin jastarǵa úlgi etýimiz kerek. Urpaqtar sabaqtastyǵy degen osy. Biz bul isti dástúrge aınaldyryp, jyl saıyn Kásipodaqtar kúni qarsańynda aǵash egetin bolamyz», dedi ol.
Aǵash egý sharasyna oblystyq kásipodaqtar belsendileriniń kóptegen ókilderi qatysyp, Tuńǵysh Prezıdent saıabaǵyn jańa kóshettermen tolyqtyrdy.