Qurlyqtyq hokkeı lıgasynyń (QHL) kezekti týr oıynyn Ekaterınbýrgte ótkizgen Nur-Sultannyń «Barysy» jergilikti «Avtomobılıst» klýbynan jeńilip qaldy.
Elordada SKA-men ótken oıynda jeńiske jetken jerlesterimiz Ekaterınbýrgke jaqsy kóńil kúımen attanǵan-dy. Alaıda «Barys» oıynshylary eki matchtan beri jeńilmeı kele jatqan «Avtomobılıst» hokkeıshilerin toqtata almady. Match bastala sala gol soqqan aıdyn ıeleri «Barysty» abdyratyp qoıdy. О́tkizip alǵan goldan keıin jerlesterimiz es jıyp úlgeremin degenshe, «Avtomobılıst» ekinshi shaıbasyn soǵyp ketti. Oıynnyń 14-mınýtynda ǵana Roman Starchenko esep aıyrmasyn qysqartýǵa múmkindik aldy.
Ekinshi kezeńde «Avtomobılıst» taǵy bir shaıba soǵyp, tablodaǵy kórsetkishti 3:1-ge jetkizdi. Al úshinshi kezeńniń orta tusynda «Barys» qataryna bıyl qosylǵan Iаkob Lılıa bir golmen jaýap qaıtarǵanymen, komandasyna jeńis syılaı almady. Qorytyndy esep – 3:2. «Avtomobılıstiń» paıdasyna. Endi jerlesterimiz 10 qazanda «Barys Arenada» Severstaldyń «Cherepoves» klýbyn qabyldaıdy.