Fýtboldan «Astana» fýtbol klýby Qazaqstan chempıonatynda basty qarsylasy – Almatynyń «Qaırat» klýbynan jeńilgen soń komandanyń atqarýshy dırektory jáne bas bapkerdiń mindetin atqarǵan aǵylshyn mamany Pol Eshýortpen qoshtasty.
«Astana» 4 qazanda Premer-lıganyń 6-týrynyń keıinge qaldyrylǵan matchynda «Qaırattan» 0:3 esebimen jeńilip qalǵan soń klýb basshylyǵy Eshýortpen eńbek kelisimshartyn merziminen buryn buzýdy uıǵarǵan. Pol elorda klýbynda 2019 jyldan bastap Atqarýshy dırektor laýazymynda jumys istep, sońǵy aıda bas bapker mindetin atqardy.
Eske salaıyq, «Astanany» maýsymnyń basynda cheh mamany Mıhal Bılek jattyqtyrdy. Ol komanda Chempıondar lıgasynan shyǵyp qalǵannan keıin óz ornyn bosatqan edi. Sodan soń klýbtyń atqarýshy dırektory Pol Eshýort bas jattyqtyrýshynyń mindetin atqardy.