Qazaqstanda tirkelgen jeke kásipkerlerdiń sany ótken jyldyń sáıkes kezeńimen salystyrǵanda 2,9%-ǵa azaıǵan, deıdi Egemen.kz
Búginde 1 mıllıonnan astam jeke kásipker ǵana jumystaryn júrgizip otyr, olardyń sany bir jyl ishinde 1,2%-ǵa deıin qysqarǵan.
Bul kórsetkishter respýblıkanyń 9 óńirinde baıqalady. Ásirese, Shyǵys Qazaqstan (-9,2%) jáne Qostanaı (-8,6%) oblystarynda jeke kásipkerlik aıtarlyqtaı turalap qaldy.
Al jumys istep turǵan jeke kásipkerler sany boıynsha Túrkistan oblysy (133,2 myń), odan keıin Almaty (120,3 myń) jáne Almaty oblysy (109,7 myń) kósh bastap tur.
Basqa óńirlerde olardyń sany 23,9 myń men 89,1 myń aralyǵynda. Budan bólek, saýda jáne avtomobıl jóndeý salasyndaǵy jeke kásipkerlik sany da kúrt azaıǵan.
Máselen, transport jáne qoıma salasynda jumys istep turǵan jeke kásipkerler sany (−7,5 myń nemese 10,4%) jáne jyljymaıtyn múlikke baılanysty operasııalar (−6,9 myń nemese 9,4%) toqtap tur. Sonymen birge, sektordaǵy ósim boıynsha aýyl, orman jáne balyq sharýashylyǵynda (+11,6 myń nemese 5%) jáne kásiptik, ǵylymı-tehnıkalyq qyzmette (+4,9 myń nemese 26,7%) baıqaldy.