10 qazanda Qazaqstan Parlamenti Senatynyń depýtaty Talǵat Musabaev TMD elderiniń Parlamentaralyq Assambleıasynyń halyqaralyq baıqaýshylar tobynyń jumysyna qatysady, dep habarlaıdy Egemen.kz Parlament Senatynyń baspasóz qyzmetine silteme jasap.
Senator baıqaýshylar tobynyń quramynda Tájikstannyń Majlısı Olı (Parlamenti) eki palatasynyń basshylarymen kezdesýdi josparlap otyr. Saılaý jáne referendým jónindegi ortalyq komıssııanyń tóraǵasymen júzdesýde saılaý naýqanynyń barysy men eldiń prezıdent saılaýyna daıyndyǵy talqylanatyn bolady. Sondaı-aq prezıdent laýazymyna úmitkerlerdiń saılaýaldy shtabtarynyń basshylarymen kezdesýler de josparlandy.
Talǵat Musabaevtyń baıqaýshy retindegi jumysy 11 qazanda Dýshanbede saılaý ýchaskelerin ashýdan jáne daýys berý pýnktterin aralaýdan bastalady. Saılaý ýchaskeleri jabylǵannan keıin TMD elderiniń Parlamentaralyq Assambleıasynyń ókilderi qorytyndy keńeske jınalady. Baıqaýshylar óz qorytyndysyn saılaýdan keıingi kelesi kúni qorytyndy baspasóz máslıhatynda jarııalaıdy.