Qazaq eli 175 jyldyq mereıtoıyn atap ótip jatqan hakim Abaıdyń О́skemendegi barelef eskertkishiniń alba-julbasy shyqqan dep habarlaıdy Egemen.kz.
Sońǵy jyldary Shyǵysta eskertkish tóńireginde másele kóp. Sonyń ishinde Abaıǵa qatystysyn jipke tizgendeı atap óteıik: 2014 jyly О́skemendegi Abaı dańǵyly men Mıhaelıs kóshesiniń qıylysyna qos dostyń músinderi ornaǵan. Eskertkishtiń sátsiz shyqqany sondaı, áleýmettik jeli qoldanýshylary «bul degen mádenı mura men tarıhqa jasalǵan qııanat» dep talqyǵa saldy. Aqyry eskertkish bir kún turar-turmastan ornynan alyndy. Buǵan qarjynyń qansha jumsalǵany bizge beımálim edi.
2018 jyly Abaıdyń keýde músini kúl-qoqystyń arasynda jatqanyn kórip, jaǵamyzdy ustaǵamyz. Sóıtsek, músinshi Vladımır Samoılovqa tapsyrys bergender jasatyp alyp, almaı qoıǵan eken. Al músinshi sheberhanasynda oryn bolmaǵan soń kóshege shyǵaryp tastaǵan. Mán-jaı anyqtalyp, gazetke, saıtqa jazylǵan soń qala ákimdigi satyp alǵan kórinedi.
Endi mine, Abaı dańǵylynyń boıynda baıaǵydan turǵan barelef músinniń julym-julymy shyqqan. Mundaı kúıde turǵanyna az ýaqyt bolǵan joq. Al tıisti mekeme qashan qalpyna keltireri belgisiz.
О́skemen