«Qazgıdromet» 2026 jylǵy 4 mamyrda el aýmaǵynda aýa raıyna baılanysty eskertý jarııalady, dep habarlaıdy Egemen.kz.
Sınoptıkterdiń málimetinshe, Qazaqstannyń barlyq aýmaǵynda qolaısyz meteojaǵdaılar kútiledi.
Elimizdiń basym bóliginde jańbyr, naızaǵaı, burshaq jáne qatty jel boljanyp otyr. Jeldiń ekpini keı jerlerde 15-25 m/s-qa deıin jetýi múmkin.
Almaty, Shymkent, Túrkistan, Jambyl jáne birqatar ońtústik óńirlerde nóser jańbyr men naızaǵaı kútiledi. Taýly aımaqtarda jaýyn-shashynnyń kúsheıýi, burshaq jáne qar aralas jaýyn yqtımal.
Soltústik, ortalyq jáne shyǵys óńirlerde de jaýyn-shashynmen birge jeldiń kúsheıýi, tuman jáne túngi ýaqytta úsik bolýy múmkin. Keıbir oblystarda órt qaýpi joǵary deńgeıde saqtalady.
Mamandar turǵyndardy aýa raıynyń kúrt ózgerýine baılanysty saqtyq sharalaryn saqtaýǵa shaqyrady.
Nurbolat AMANBEK