Top taǵdyry sheshiler týrlar alda

Shyny kerek, match aldynda Albanııa quramasy oıynnyń sózsiz favorıti sanalǵan. Fýtbol mamandary da Albanııa úsh upaı ıelenedi dep boljaǵan edi. Biraq Qazaqstan quramasynyń oıynshylary Balqan túbeginiń eline laıyqty qarsylyq kórsetip, jeńiske jetýi bylaı tursyn, gol soǵýǵa múmkindik bergen joq. Almatydaǵy oıynda eki ujym­nyń da basty maqsaty – úsh upaı oljalap, týrnır kestesinde top bastaý edi.

Keshegi oıynda jerlesterimiz nashar óner kórsetti dep te, je­ńiske laıyq boldy dep te aı­ta al­maımyz. Biraq shabýyl uıym­das­tyryp, gol soǵý múm­kin­digin ja­ratý boıynsha Albanııa qura­masyna jol bergenimiz anyq. Má­selen, oıyn­nyń 60-mınýtynda qar­sy­las komandanyń oıynshy­sy qaqpashymyz Stas Po­katılovtiń ústine asyra sal­ǵan dobyna abyroı bolǵanda qorǵaýshy Te­mir­lan Erlanov birinshi jetip, qaq­pamyzdy 100 paıyz­dyq goldan aman saqtap qal­dy.

Sondaı-aq Albanııamen ótken oıynda belgili sebeptermen matchqa qatysa al­maǵan negizgi quramnyń fýtbolshylary Baýyrjan Islamhan, Nuráli Álip, Iаn Vorogovskııdiń oryndary ábden bilindi. Aldaǵy Bela­rýs quramasymen ótetin oıynǵa Nuráli Álip pen Iаn Vo­ro­govskıı qatysa almaıdy. Al Is­lamhannyń jaǵdaıy belgisiz. Sondaı-aq keshegi kezdesýde sary qaǵaz alǵan Ǵafýrjan Súıimbaev ta quramaǵa kómektese almaıdy.

Bas bapker Mıhal Bılek te Al­banııamen ótken matchtyń ná­tıjesi kóńilinen shyqqanyn já­ne qorǵanysta oıynshylardyń tapshy bolǵanyn aıtty. «Bizde qorǵanysta oıynshylar máselesi týyndady: Vorogovskıı, Álip, Malyı túrli sebeppen bul oıynǵa qatysa almady, al Marochkın ja­raqat alyp qaldy. Biraq alań­ǵa shyqqan qorǵaýshylar jaq­sy oınady. Men olarǵa rızamyn. Qaqpamyzǵa gol ótkizip alma­ǵanymyzǵa kóńilim tolady. Al bizde gol soǵatyn múmkindik kóp bolmady», dedi Bılek.

Al Albanııa quramasynyń bas bapkeri ıtalııalyq maman Edoardo Reıa da teń oıynǵa rıza ekenin jetkizdi. «Bári jaqsy. Tóreshiler keıde qatelikter ji­beredi. Oıyn aldynda men qat­ty alańdadym. О́ıtkeni tóreshi buǵan deıin ótken bir matchta 12 sary qaǵaz kórsetken bolatyn. Me­ni osy jaǵdaı qatty mazalady. Qazaqstan quramasy biz úshin biraz qıyndyq týǵyzdy. Biraq maǵan komandanyń oıyn máneri unady. Bizdiń toptaǵy barlyq komandanyń deńgeıleri shamalas. Degenmen fızıkalyq jaǵynan jaqsy daıyndalǵan qurama birinshi oryn ıelendi», dedi Edoardo Reıa.

Toptaǵy ekinshi oıynda Lıtva óz alańynda Belarýs quramasyn qabyldap, 2:2 esebimen teń oınady. Endi S dıvızıondaǵy kelesi týr oıyndary 14-15 qazanda ótedi. 14 qazanda Albanııa syrt alańda Lıtva quramasymen, 15 qazanda Qazaqstan qonaqta Belarýs fýtbolshylarymen oınaıdy. Topta top bastaıtyn komandanyń taǵdyryn osy tórtinshi týr sheshedi.

Bıylǵy Ulttar lıgasynyń irikteý kezeńin sátti bas­ta­ǵan jerlesterimiz osylaısha úsh týrdan keıin toptyń kó­shin bas­tap turǵany qýantady. Árıne bórkimizdi aspanǵa atýǵa áli erte dersiz, biraq ázirshe maq­tanyshpen aıtýǵa bolatyn shy­ǵar?! Qazaqstan quramasynyń eń keıingi ret óz tobynda úsh matchtan keıin qashan birinshi orynda turǵanyn uzaq oılanyp, esimizge túsire almadyq.