13 dúrkin chempıon!

Shventek – jańa juldyz

«Rolan Garros» jarysy bas­tal­ǵanda jankúıerler áıelder arasyndaǵy «Bıyl jeńimpazy kim bolýy múmkin?» degen suraq týyndaǵanda, kópshilik ózderiniń súıikti tennısshileriniń esimin aıtyp, olardyń jeńisine kúmánsiz sendi. Biraq jankúıerler ataǵan favorıt tennısshilerdiń ishinde Shventektiń esimi joq edi. Fran­sııa ashyq chempıonatynyń fınalynda bıylǵy Australian Open dodasynda top jarǵan AQSh ókili Sofııa Kenın men WTA sanatyndaǵy birde-bir jarysta jeńbegen, tipti álemdik reıtıngte TOP-50 tennısshiniń qata­ryna kirmegen polıak qyzy Iga Shventek baq synady. Eki setke sozylǵan oıynda Shventek sensasııa jasap, apaly-sińlili Ýılıamstardyń izbasary dep sanalǵan So­fııa Ke­­nındi (álem­niń 4-ra­ketkasy) 6:4, 6:1 esebimen esh qı­yn­­­dyqsyz je­ńip ketti.

«Rolan Gar­­ros» ja­ry­­syna deıin WTA reı­tın­ginde 52-orynda turǵan Shventek fınalǵa deıin kil myq­tylarmen baq synady jáne barlyǵyn 2:0 nátıjesimen bir demmen jeńip shyqty. Atap aıtar bolsaq, birinshi aınalymda álemniń 20-raketkasy chehııalyq Vondroýshovany, ekinshi kezeńde taıpeılik Se Shýveıdi (66), úshinshi básekesinde belgııalyq Ejenı Býshardy (140) qapy qaldyrsa, pleı-off kezeńinde álemniń ekinshi, osy jarystyń birinshi raketkasy rýmynıalyq Sımona Halepti jarys jolynan yǵystyryp, bas júldeden úmitin erte úzdi. Sondaı-aq shırek fınalda ıta­lııalyq Martına Tre­vızannan (83), jartylaı fınalda ar­gen­tınalyq Nadıa Podoroshkadan (48) aılasyn asyrdy.

Osydan eki jyl buryn jasós­pirimder arasyndaǵy «Rolan Gar­ros» týrnırinde bas júldeni ol­ja­laǵan Iga Shventek eki jyl­dan soń eresekter arasynda da top jardy. Bul nátıje onyń WTA reıtınginde 17-orynǵa kóteri­lýine múmkindik berdi.

Qumdaýyt korttyń koroli

Erler arasynda basty kýbokqa talas «Rolan Garrostyń» 12 dúrkin chempıony Rafael Nadal men «Úlken dýlyǵa» sanatyndaǵy ja­rys­tardyń birneshe dúrkin je­ńimpazy Novak Djokovıch ara­synda órbidi. Fınal aldyn­da jankúıerler tartys­ty oıyn kútken bolatyn. О́ıtkeni eki tennısshiniń bu­ǵan deıingi kezde­sýleri óte tar­­­tysty ári qyzyqty ótetin. Bi­raq bul jolǵysy olaı bolmaı shyqty. Úsh setke sozylǵan match­ta qum­daýyt korttyń koroli Na­­dal esh qıyndyqsyz jeńiske jet­­ti. Dese de eki setti ońaı bere salǵan serbııalyq sańlaq úshinshi sette Nadalǵa biraz qarsylyq kór­setkenimen, ıspanııalyq tennısshi báribir tarazy basyn ózine aýdardy. Qorytyndy esep – 6:0, 6:2, 7:5. Eki tennısshi arasyn­daǵy 56 kezdesýde Nadaldyń mereıi ústem boldy. 29 básekede Djokovıch jeńiske jetse, 27 kezdesýde Nadaldyń baǵy janǵan.

Sondaı-aq bul – Nadal­­dyń «Úlken dý­lyǵa» sana­tyn­daǵy 20-shy jeńisi. Osy jetis­tiginiń ar­qasynda ol áıgili ten­nısshi Rod­jer Fe­de­rer­diń nátı­je­sin qaı­­talady. Tip­ti shveı­­­sarııalyq ten­­nıs­shiniń ózi Na­daldy «Ro­lan Gar­ros­ta­ǵy» jeńi­si­men quttyqtady.