Fýtboldan Ulttar lıgasynyń toptyq týrnıriniń úshinshi týrynan keıin aıtýly jarystyń shartty quramasy jarııalanyp, úzdikter tizimine Qazaqstan quramasynyń oıynshysy Temirlan Erlanov ta endi, dep habarlaıdy Egemen.kz
Ol 1993 jyly О́skemende týyp-ósti. Áý basta birqatar komandalardyń jastar quramynda sheberligin shyndaǵan Temirlan keıinnen "Vostok" pen "Ordabasyda" óner kórsetti. Bıylǵy maýsymda Qostanaıdyń "Tobylynyń" jeıdesin kıdi. Byltyrǵy jyldyń aqpan aıynda qandasymyz Qazaqstan quramasynyń sapyna qabyldandy. Amplýasy – qorǵaýshy. Dáp osy oıynshy Albanııaǵa qarsy kezdesýdiń 60 mınýtynda bizdiń qaqpamyzǵa kirip bara jatqan dopty keri qaıtardy. Jáne de Erlanov osy matchta ózin jaqsy qyrynan kórsetti. Sarapshylar tarapynan osy jaıttyń barlyǵy eskerilip, ol 8.1 degen baǵaǵa ıe boldy.
Al Ulttar lıgasynyń toptyq týrnıriniń úshinshi týrynyń shartty quramasy mynadaı: Serhıo Ramos (Ispanııa), Odmar Fere (Farer araldary), Kaıl Goldýın (Gıbraltar), Martın Edegor, Erlıng Holland, Aleksander Serlot, Bırger Melıng (Norvegııa), Anastasıos Bakasetas (Grekııa), Raýno Sappınen (Estonııa) jáne Vensan Tıll (Lıýksembýrg).