Soltústik Qazaqstan oblysy Polısııa departamenti Krımınaldyq polısııa basqarmasynda «Astyq-2020» jedel-profılaktıkalyq is-sharasyn qorytyndylady. Ol tamyzdyń 20 men qazan 10 aralyǵynda 52 kún boıy ótkizildi. 13 aýdannyń árqaısynda krımınaldyq polısııa, ýchaskelik polısııa ınspektorlary, patrýldik polıseıler, kınologtardan turatyn mobıldi toptar jumys istedi. Egistikte astyq urlyǵyn anyqtaý jáne eskertý kómegine polıseıler basa nazar aýdardy, dep habarlaıdy Egemen.kz.
«Astyq 2020» oblystyq jedel-profılaktıkalyq is-sharasy barysynda SQO-da 35 qylmys tirkelgen. Onyń ishinde – 21 fakti astyq urlaý, 7 fakti janar-jaǵarmaı urlaý, 4 fakti aýylsharýashylyq tehnıkasynyń qosalqy bólshekterin urlaý, 3 fakti gerbısıd urlaý. 35 qylmystyń 32-si «izi sýymaı» ashylǵan. Kóbine urlyqty astyq naýqanyna jumyldyrylǵan kásiporyndar men sharýshylyqtardyń jumysshylardyń ózderi jasaǵan.
Astyq jınaý naýqany aıaqtaldy. Ýchaskelik polısııa ınspektorlary sharýashylyqtar men kásiporyndarǵa baryp, basshylaryna qoımalardyń tıisti deńgeıde kúzetilýin uıymdastyrý qajettigi týraly eskertýde, sondaı-aq beıne baqylaý kameralaryn barynsha paıdalanýǵa keńes beredi.