Bala kezden barlyq halyqtarda «aqqýdy atýǵa bolmaıdy, kıeli qus» degen aqyl basqa sińirilip keledi. Alaıda eshteńeni qadirlemeıtin, qasıet tutpaıtyn mal tek tektes adamdar kóp qoı. Sonyń biri qatarynda myna bir soltústikqazaqstandyq miskindi ataýǵa bolady, dep habarlaıdy Egemen.kz.
Ol Mamlıýt aýdanyndaǵy Ledenovo kólinen aqqýdy atqan. Aýdandyq ańshylyq sharýashylyǵynyń qoryqshysy ózinen jasyrynbaq bolǵan «BMV» avtokóliginen seziktenip, ony qýyp toqtatqanda júksalǵyshynan aqqýdyń óli denesi tabylǵan. «Kólik júrgizýshisi men jolaýshy mán-jaıdy anyqtaý úshin polısııa bólimine jetkizildi. Zańsyz ań aýlaý faktisi boıynsha sotqa deıingi tergep-tekserý bastaldy», - deıdi Mamlıýt aýdanynyń PB bastyǵy, polısııa podpolkovnıgi Serik Áljanov.
Jalpy, zańdar halyq dástúrlerin de eskerýi kerek qoı, basqa qustardaı emes aqqýdy atqandardyń jazasyn qattyraq qylsa – mundaı opasyzdyq bolmas edi.
Osyǵan deıin de Soltústik Qazaqstan oblysynda aqqýdy atýdyń eki faktisi tirkelgen bolatyn. Adal qus jańa kelip jatqan naýryz aıynda «Romashka» saıajaı qoǵamynyń mańynda erikkender eki aqqýdy atqan.