Shyǵys Qazaqstan oblysy boıynsha ekologııa departamenti Semeı qalasynyń Voshod kenti turǵyndarynyń Babınsk kareriniń aýmaǵynda ornalasqan qaldyqtar polıgonynyń zııandy áseri jáne qolaısyz kommýnaldyq ahýal týraly beınesıýjeti negizinde 2020 jylǵy 28 tamyz – 10 qyrkúıek aralyǵynda jospardan tys tekserý júrgizdi.
Tekserý qorytyndysy boıynsha «Teplokommýnenergo» memlekettik kommýnaldyq kásipornyna 2020 jylǵy 1 qazanǵa deıingi merzimde polıgonnyń paıdalanylǵan bóligin qalpyna keltirýdi aıaqtaýǵa, osy nusqamany alǵan kúnnen bastap 10 kúnnen keshiktirmeıtin merzimde Shyǵys Qazaqstan oblysy boıynsha ekologııa departamentimen sanıtarlyq qorǵaý aımaǵynyń kógaldandyrý alańyn kentke qaraı ulǵaıtý jónindegi is-sharalar josparyn kelisýge, onyń naqty oryndalý merzimin kórsete otyryp alań ýchaskelerin naqtylaýǵa; polıgonnyń betin turaqtandyrý jónindegi is-sharalardy oǵan kúl men kúl-qoj shańynyń túsýine, irgeles aýmaqty sýarý jáne t.b. mólsherine qaraı onyń betine topyraq sebý arqyly qaldyqtardy ornalastyrý normatıvteri jobasyna túzetý júrgizý mindetteldi. Bul jumys boıynsha memlekettik ekologııalyq saraptamanyń oń qorytyndysyn alýǵa nusqama berilgen, oryndaý merzimi – bıylǵy 1 jeltoqsan.
«Teplokommýnenergo» MKK 2020 jylǵy 28 qyrkúıektegi hatyna sáıkes paıdalanylǵan jerdi kógaldandyrý jáne qalpyna keltirý boıynsha jumystar oryndalǵan. Nusqamanyń 3-tarmaǵy boıynsha kásiporyn polıgonnyń betin qalpyna keltirý jónindegi is-sharalardy jobalaýdy jáne túzetýdi júrgizýde.