SQO ýchaskelik polısııa ınspektorlary "Ýchaske" respýblıkalyq jedel-profılaktıkalyq is-shara aıasynda jumys isteýde. Onyń maqsaty - quqyq buzýshylyqtardyń aldyn alý sharasyn kúsheıtý, halyqpen ózara is-qımyldy nyǵaıtý, dep habarlaıdy Egemen.kz
Tártip saqshylary jalǵyz basty zeınetkerlerdiń úılerin aralap, qarý ıelerin, turmysy tómen otbasylardy, buryn sotty bolǵan adamdardy, esepte turǵan ózge de kontıngentterdi tekserdi. Sonymen birge polısııa departamentiniń akkaýnttaryndaǵy áleýmettik jelilerge Petropavl qalasynyń barlyq ýchaskelik polısııa pýnktteriniń meken-jaılary men telefondary ornalastyryldy. "Atalǵan ákimshilik ýchaskege qyzmet kórsetetin qyzmetkerdiń aty men telefon nómiri kórsetilgen aqparattyq paraq buryn kireberisterge japsyrylsa, qazirgi ýaqytta bul málimetti qosymsha áleýmettik jeliden de alýǵa bolady. Aıta ketetin bolsaq, polısııaǵa júginýge qulyq tanytpaı, úıdegi daýdy "jyly jaýyp qoıý" - otbasy-turmystyq qatynas aıasyndaǵy quqyq buzýshylyqty qamtamasyz etýdiń basty máseleleriniń birine aınalady. Halyqtyń osyndaı ustanymyn adamdarmen tyǵyz qarym-qatynasta jumys isteıtin ýchaskelik ınspektorlar ózgertýi kerek", deıdi SQO PD bastyǵynyń birinshi orynbasary, polısııa polkovnıgi Qanat Aıtbaev.
SQO-da ýchaskelik polısııa ınspektorlary turmystyq zorlyq-zombylyqtyń 200-den astam faktisin anyqtaǵan. Mysalǵa, № 9 ýchaskelik pýnktke qarasty aýmaqty aralaý kezinde ınspektor uryp-soǵý belgilerimen jas áıeldi baıqaǵan. Oǵan dene jaraqattaryn salǵan buryn sottalǵan kúıeýi ekeni belgili boldy. Qyz anasynyń úıinde jasyrynǵan. Jas áıel kúıeýine qarsy segiz ret aryz jazyp, keıin ony qaıtaryp alyp otyrǵan. Ýchaskelik ınspektor jábirlenýshige otbasyndaǵy zorlyq-zombylyq aýyr jaǵdaıǵa ákep soqtyrmaýy úshin onyń jolyn kesý qajettigin túsindirgen. Qyz sot-medısınalyq saraptamadan ótip, kúıeýine qatysty qorǵaý uıǵarymy shyǵaryldy. Oǵan áıelimen kezdesýge jáne ony qýdalaýǵa tyıym salyndy.
Atylmysh shara bastalǵannan beri SQO polıseıleri 50 myńnan astam páter men 65 myńǵa jýyq jeke úılerdi aralap shyqty. Otbasy-turmystyq qatynas aıasynda 206 quqyq buzýshylyq faktisi anyqtaldy, onyń 56 Petropavlda. Barlyǵy ýchaskelik ınspektorlar 3600 astam túrli quqyq buzýshylyqty anyqtady, onyń 1000 astamy oblys ortalyǵynda.
Soltústik Qazaqstan oblysy