Almaty qalasynda bıznes-ortalyqtyń kelýshileri men qyzmetkerleri kúmándi sómke úshin evakýsııalandy, dep habarlaıdy Egemen.kz qalalyq polısııa departamentine silteme jasap.
Atalǵan jaıt búgin túski saǵat 12:40-ta bolǵan. Bul týraly aqparattar Instagram jelisinde qyzý talqyǵa túsýde.
− "102" pýltine kúmándi sómkeniń tabylǵany týraly habarlama kelip tústi. Qalanyń shuǵyl qyzmetteri birden oqıǵa ornyna bardy. Birinshi kezekte bıznes ortalyǵy keńseleriniń qyzmetkerleri men kelýshileri shuǵyl evakýasııalandy, − dedi polısııa departamentiniń ókilderi.
Aldyn ala derekter boıynsha sómkeniń ıesi tabyldy. Ol ony umytyp ketken bolyp shyqty.