2021 jyldan bastap Qazaqstanda «О́ndirýshilerdiń keńeıtilgen mindettemeleri operatorynan» aqshalaı tólemder alý tártibin ońaılatý qarastyrylady. Qaıta óńdeý salasyna qarjylaı qoldaý kórsetýdiń sharttary týraly Mańǵystaý oblystyq tabıǵı resýrstar jáne tabıǵat paıdalanýdy retteý basqarmasynyń uıymdastyrýymen shaǵyn jáne orta bıznes sýbektilerimen ótken kezdesýde «О́KM operatory» JShS basqarma tóraǵasy Medet Qumarǵalıev aıtyp berdi.
Qaptama qaldyqtaryn jınaý jáne qaıta óńdeý salasynyń kórsetkishterin taldaý, sondaı-aq bıznestiń ótinishterin qaraý negizinde О́KM operatorynyń mamandary shaǵyn jáne orta kásipkerlik sýbektilerin qoldaýdyń qosymsha tetikterin ázirledi. Qaldyq óńdeýdegi jalpy respýblıkalyq kórsetkishke qol jetkizý úshin qaptama qaldyqtaryn jınaýdy júzege asyratyn árbir uıym jınaý kólemin jyl saıyn 5-10%-ǵa ósirip otyrý mindettemelerin alady. Sonymen qatar túsetin ótinimder boıynsha (keminde 20 kılo) qaıtalama shıkizat jınaýdy júzege asyrady.
Atalǵan sharalardy júzege asyrý keshendi túrde qaldyqtarmen jumys isteý salasynyń ınvestısııalyq tartymdylyǵyn arttyrýǵa, qaptama qaldyqtary men avtokomponentterdi jınaý geografııasyn keńeıtýge múmkindik beredi jáne ekologııalyq máselelerdi sheshýge yqpal etedi. 2020 jyly qaptama qaldyqtaryn jınaýdyń josparly kólemi 130 myń tonnany, avtokomponent qaldyqtary 102 myń tonnany qurady.
«О́KM» operatory» JShS atalǵan salany damytýdyń ózindik úlgisin usynyp otyr. Jańa modelge sáıkes sala qatysýshylaryn tender uǵymynan bas tartyp, negizdemelik kelisimshart qaǵıdasyna sáıkes jumys isteýge shaqyrady. Osylaısha mamandandyrylǵan kásiporyndarmen yntymaqtastyq ornatý arqyly jańa belesterdi baǵyndyrý kózdelip otyr. Alǵashqy kezeńde biliktilik talaptarǵa sáıkes, irikteý júrgizilmek.
– Mańǵystaý óńirinde jumys istep jatqan barlyq kontragentterdi «О́ndirýshilerdiń keńeıtilgen mindettemeleri operatory» JShS qoıan-qoltyq jumys isteýge shaqyramyz. Osylaısha demeýqarjy, kómekqarjy jáne kólik jóneltpe qujatyna jumysalatyn shyǵyndardy jeńildetýge múmkindik beriledi. Búginde Ekologııa, geologııa jáne tabıǵı resýrstar mınıstrliginiń málimetinshe, turmystyq qatty qaldyqtardyń bar bolǵany 15%-y ǵana suryptalady, al qalǵan 85%-y kómilip jatyr. Negizinen bul durys emes. Budan bylaı bizdiń mekememen kelisim jasaýdyń qajettiligi joq, tender degendi de umytý kerek. Biz negizdemelik kelisimshart usynamyz, bul táýlik boıy jumys isteıtin jańa mehanızm. Qazirgi tenderlik tártipke sáıkes 27 qujat talap etiledi, al biz bar bolǵany 3 qujat suraımyz. Bul áldeqaıda tıimdi. Jańa jyldan bastap sıfrly júıege kóshetin bolamyz, ıaǵnı barlyq ákimshilik kedergiler joıylady. Bizdiń túpkilikti maqsatymyz – elimizdiń árbir azamatyna qoqysty tabys kózine aınaldyrýdy úıretý», – deıdi «О́KM operatory» JShS basqarma tóraǵasy M.Qumarǵalıev.
«О́KM operatory» JShS Mańǵystaý oblysynyń salalyq kásiporyndarymen yntymaqtastyqty nyǵaıtýǵa nıetti. Al usynylǵan sharttar shaǵyn jáne orta bıznes ókilderine áldeqaıda tıimdi.
– Búginde makýlatýra jınaǵany úshin ótemaqy tólemi 26 teńgeni quraıdy. Sonymen qatar qaǵaz úshin qaıta óńdeý tóleminiń mólsheri 9 ese az, kılosyna – 3 teńge. О́zgerister tutastaı alǵanda qaldyqtardy jınaý, óńdeý jáne kádege jaratý baǵytynyń damýyna oń áserin tıgizedi, – dedi «Kazweste» qaldyqtardy basqarý jónindegi qazaqstandyq qaýymdastyqtyń basqarma tóraǵasy Shynbolat Baıqulov.
«О́KM operatory» ınstıtýty qurylǵanǵa deıin elimizde qaldyqtardy qaıta óńdeý deńgeıi 2%-dy qurasa, bıyl bul kórsetkish 15%-ǵa jaqyndady. Sonymen qatar qaldyqtardy qaıta óńdeý úlesi 8 esege ósti.
Mańǵystaý oblysy