Almatyda qala aýmaǵynda karantın rejiminiń saqtalýyn baqylaý jalǵasýda. Qalada quramynda aýdandyq ákimdikterdiń, jergilikti polısııa qyzmetiniń qyzmetkerleri, "Atameken" UKP ókilderi jáne Taýarlar men qyzmetterdiń sapasy men qaýipsizdigin baqylaý aýdandyq basqarmalarynyń mamandarynan quralǵan 26 monıtorıngtik top jumys isteıdi, dep habarlaıdy Egemen.kz.
17-18 qazan aralyǵynda 206 monıtorıngtik is-shara ótti. Tekseris barysynda jumys rejımi buzylǵan 49 nysan anyqtaldy, anyqtalǵan buzýshylyqtar boıynsha mamandarmen túsindirý jumystary júrgizildi. 44 jeke tulǵa karantın sharalaryn buzǵany úshin ákimshilik jaýapkershilikke tartyldy.
Osylaısha, Almaly aýdanynyń monıtorıngtik toby 80 adamdy tarta otyryp, "Nur-El" meıramhanasynda saltanatty, otbasylyq is-sharanyń ótkizilýin anyqtap, jolyn kesti. Jıynǵa kelgen qonaqtarǵa Almaty qalasynyń Bas memlekettik sanıtar dárigeriniń qaýly normalary jetkizildi, sodan keıin qonaqtar mekemeden ketti. Sondaı-aq qyzmetine ýaqytsha tyıym salynǵan nysandar anyqtaldy: kompıýterlik klýb, loto klýby, "Mesto vstrechı" bılıard orny.
Monıtorıngtik top Áýezov aýdanynda «Dıadema» meıramhanasynda 100 adamǵa arnalǵan toı, «Amal» dámhanasynda 40 adamǵa arnalǵan jıyn, "Keremet" meıramhanasynda 60 adamǵa arnalǵan toı ótkizilip jatqanyn anyqtap, jolyn kesti. Oqıǵa ornynda túsindirý jumystary júrgizilip, QR Ákimshilik quqyq buzýshylyq týraly Kodeksiniń 425-baby boıynsha hattamalar toltyryldy. Sonymen qatar, ýaqytsha tyıym salynǵan mekeme - "Ýho ı medved" karaoke nysany anyqtaldy, sonymen birge onda adamdardyń jappaı jınalýy tirkeldi.
Alataý aýdanynda tártip buzýshylyqtar kelesi nysandarda anyqtaldy: TJO, "Clesar Algabas" monshasy, "Baǵdat" dúkeni, "Han" dámhanasy jáne t. b.
Bostandyq aýdanynda "Rıts Karlton" qonaq úıiniń janyndaǵy meıramhanada saltanatty is-shara 45 adamǵa arnalǵan toı anyqtaldy.
Túrksib aýdanyndaǵy monıtorıngtik top qyzmetine ýaqytsha tyıym salynǵan nysan – "Atlantıs" bılıard klýbyn anyqtady.
Almaty ákimdigi qala turǵyndaryna óziniń jáne ózgelerdiń densaýlyqtaryna qaýip tóndirmeýge-jappaı oryndarǵa barmaýǵa jáne barlyq sanıtarlyq-epıdemııalyq talaptardy: maska rejımi, áleýmettik qashyqtyq jáne t. b. qatań saqtaýǵa shaqyrady.