Norvegııanyń Tronheım qalasynda dárigerler koronavırýstyń buryn belgisiz bolǵan shtamyn anyqtady. Bul týraly NRK teleradıokompanııasyna kommýnanyń bas dárigeri Týve Rosstad málimdedi, dep habarlaıdy Egemen.kz
"Bul vırýs qaıdan shyqqanyn bilmeımiz. Norvegııada vırýstyń bul túri buǵan deıin bolmaǵan. Halyqaralyq bazalar boıynsha da izdedik, alaıda ol jerlerden de tabylmady", deıdi dáriger.
Mamannyń sózinshe, vırýs mýtasııalanǵany týraly boljamdy dárigerler osy shtamdy juqtyrý kóbeıe bastaǵannan keıin jasaǵan. Aýrý bastalǵannan keıin koronavırýs qozdyrǵyshy 35 adamnan anyqtalǵan, taǵy 1,5 myńǵa jýyq adam karantınge jiberildi, olardyń kóbi "Malenkıı London" atty jergilikti klýbta bolǵan.Jergilikti aýrýhanadaǵy vırýstyń úlgileri Norvegııanyń Qoǵamdyq densaýlyq ınstıtýtyna zertteýge jiberildi. Jańa vırýstyń naqty qasıetteri qandaı ekeni áli belgisiz. Sarapshylardyń sózinshe, ony tez juqtyryp alý múmkin, alaıda qandaı formada ótetini belgisiz.
Norvegııadan kelgen habarǵa qatysty oıyn bildirgen reseılik Anatolıı Altshteınniń sózinshe, COVID-19 adammen baılanyssyz taraıdy dep aıtý áli erte. Sarapshynyń sózinshe, ol eýropalyq áriptesteriniń naqty ǵylymı esebimen áli tanys emes.
"Birden aıta keteıin, norvegııalyq vırýsologtardyń jumysymen tanys ememspin, "baılanyssyz juqtyrý" degenniń ne ekenin bilmeımin. Vırýsty tasymaldaýshy - adam, ol ınfeksııany basqa adamǵa aýa-tamshy joldary arqyly taratady, mysaly amandasý arqyly bolýy múmkin", deıdi dáriger.