Premer-Mınıstr Asqar Mamınniń tóraǵalyǵymen ótken keńeste Almaty JEO-2 jańǵyrtý jobasy boıynsha sheshim qabyldandy, dep habarlaıdy Egemen.kz Premer-Mınıstrdiń baspasóz qyzmetine silteme jasap.
Qoǵamdyq pikirdi eskere otyryp, jylý elektr stansııasyn jańǵyrtýdyń qarastyrylǵan tórt nusqasynan qoldanystaǵy energetıkalyq qazandyq agregattaryn rekonstrýksııalaý jolymen JEO-2-ni kómirden gazǵa aýystyrý maquldandy.
JEO gazdandyrýdyń tańdalǵan nusqasy qolda bar jetkizý jáne burý ınfraqurylymyn paıdalanýǵa múmkindik beredi. Bul rette qorshaǵan ortaǵa áseri barynsha azaıtylady – kúkirt totyǵynyń, kúldiń shyǵaryndylary bolmaıdy, azot totyǵynyń jáne kómirqyshqyl gazy shyǵaryndylarynyń deńgeıi tómen.
Joba 2025 jyldyń sońyna qaraı kezeń-kezeńimen júzege asyrylady.