Saǵadat Nurmaǵambetov atyndaǵy Qurlyq áskerleriniń áskerı ınstıtýtynda ekinshi kýrs kýrsanttary MI-17 tikushaǵynan parashıýtpen alǵashqy sekirýdi oryndady, dep habarlaıdy Egemen.kz Qorǵanys mınıstrliginiń baspasóz qyzmetine silteme jasap.
Sekirý aldynda kýrsanttar tájirıbeli oqytýshylardyń nusqaýymen parashıýt júıeleriniń taktıkalyq-tehnıkalyq sıpattamalaryn, parashıýtshilerdiń kúmbezdi ashqanǵa deıingi jáne odan keıingi is-áreketterin zerttedi. Sonymen qatar qoný tártibin pysyqtap, synaqtar tapsyrdy.
"Synaq barysynda desantshylar aspaly júıeni keltirý, parashıýt kııý jáne sekirý men jabdyqtaýǵa baılanysty máseleler boıynsha bilimderin rastady. Baqylaý sabaǵynda árbir kýrsant praktıkalyq is – áreketteri men daǵdylary úshin baǵa aldy", – dep túsindirdi ınstıtýttyń Áskerı jáne arnaıy barlaý kafedrasynyń áskerı barlaý sıkliniń oqytýshysy podpolkovnık Roman Akmaev.
Birinshi sekirý qarýsyz jáne arnaıy sómkesiz ótti. Bolashaqta kýrsanttar qarý-jaraqpen jáne tolyq jabdyqtalymmen sekiredi. Sondaı-aq kúrdeli jerge jáne sýǵa qona otyryp, túngi jaǵdaılarda desanttaý kózdelgen.
Sekirýden keıin oqytýshylar men nusqaýshylar kýrsanttardy birinshi emtıhandy sátti tapsyrýmen quttyqtap, olarǵa parashıýtshilerdiń jolaq jeıdesi men tósbelgilerin tabys etti.