Investısııalyq keńeste nan zaýyty, sút zaýyty, kókónis qoı̆masynyń qurylysyna qatysty jobalar qoldaý tapty. Bul týraly Nur-Sultan qalasynyń ákimi Altaı Kólginov óziniń "Instagram" paraqshasynda jazdy, dep habarlaıdy Egemen.kz
"Kez kelgen qarqyndy ósip jatqan qalaǵa áleýmettik nysandar da, azyq-túlik kásiporyndary da kóbirek qajet. Investısııalyq keńeste nan zaýyty, sút zaýyty, kókónis qoı̆masynyń qurylysyna qatysty jobalar qoldaý tapty. Bul sharalar azyq-túlik qaýipsizdigin qamtamasyz etip, naryqty jergilikti taýarmen jabdyqtaýǵa, áleýmettik mańyzy bar ónimderdiń baǵasyn ustap turýǵa múmkindik beredi.
Investısııa máseleleri jónindegi óńirlik keńeste - oqý oryndarynyń (mektepter, balabaqshalar), metall-plastık konstrýksııalaryn shyǵaratyn zaýyttyń, óndiristik-qoı̆ma úı̆-jaı̆larynyń jáne basqa da birqatar mańyzdy nysandardyń qurylysyna qoldaý kórsetildi.
Memleket basshysynyń tapsyrmasyna sáı̆kes, ınvestorlarǵa qolaı̆ly jaǵdaı̆ jasaı̆myz. О́ı̆tkeni, árbir ınvestısııalyq joba ekonomıkaǵa jeke ınvestısııalardy tartyp qana qoı̆maı̆, sonymen birge qala men qala turǵyndaryna qajet nysandar men jumys oryndaryn qurýǵa múmkindik beredi", dep jazdy Altaı Kólginov.