Qazaqstan men Birikken Arab Ámirlikteri qorǵanys vedomstvolary arasyndaǵy eki jaqty áskerı yntymaqtastyq sheńberinde Nur-Sultan qalasyna gýmanıtarlyq kómek jetkizildi, dep habarlaıdy Egemen.kz.
Gýmanıtarlyq kómek QR Qorǵanys mınıstrliginiń medısınalyq mekemelerine, áskerı gospıtaldary men lazaretterine arnalǵan.
Júktiń jalpy salmaǵy 18 tonnadan asady. Gýmanıtarlyq kómekke reanımobıl, ókpeni jasandy jeldetý apparattary, kapnograftary bar tósek janyndaǵy monıtorlar, ekstrakorporaldy membranalyq oksıgenasııa apparattary jáne basqa da jabdyqtar kiredi.
Sonymen qatar PTR zerthanalaryn erekshe atap ótken jón. Onda jabdyqtardan basqa jańa lazerlik qan analızatory synaqtan ótkiziledi. Olardy ornatý úshin Qazaqstanǵa BAÁ-den eki maman jiberilmek.
Buǵan deıin ámirlikter tarapynyń bastamasy boıynsha qazaqstandyq áskerı dárigerler Abý-Dabı qalasyndaǵy áskerı gospıtalde osy zerthanalardy paıdalaný boıynsha teorııalyq jáne tájirıbelik oqytýdan ótken bolatyn.