Qazaq eliniń bolashaǵy úshin kúresken birtýar tulǵa, alash qaıratkeri S.J.Asfendııarovtyń týǵanyna 131 jyl tolýyna oraı, jyldaǵy qalyptasqan dástúr boıynsha ýnıversıtette eske alý is-sharasy ótti. Atalǵan is-shara Jastar saıasaty basqarmasy, áskerı kafedrasynyń uıymdastyrýymen rektorat ǵımaratynda ornalasqan S.J.Asfendııarovtyń bıýsti eskertkishi aldynda ótti.
Ýnıversıtettiń baspasóz qyzmetiniń málimeti boıynsha, is-shara eskertkish aldyna gúl sebetin qoıýdan bastaldy. Jıynǵa ýnıversıtet ákimshiligi, mektep dekandary, oqytýshylar jáne ýnıversıtette ótkiziletin is-sharalardyń barlyǵyna materıaldyq jaǵynan qoldaý kórsetip, demeýshilik kórsetetin QazUMÝ jergilikti jumysshylar kásipodaǵynyń qyzmetkerleri qatysty. Jıynda Korporatıvtik damý jónindegi prorektor Ý.M.Dathaev alǵy sóz sóılep, jıyndy ashyp berdi. Prorektor oqý-ornymyzda ótken kúnniń tarıhyna qurmet kórsetip, tanymal tulǵalardy eske alý is-sharalarynyń únemi dástúrli túrde ótkizilip otyratyndyǵyn jáne tarıhymyzdy saraptap otyrý jastarǵa tárbıe berýde, urpaq sabaqtastyǵyn jalǵastyrýda úlken oryn alatynyn aıtyp ótti. Ýnıversıtetimizdiń tarıhyn jınaqtaýda óziniń qyzmetkerlerimen birge úlken jumystar atqaryp jatqan murajaı basshysy A.S.Saparova tarıhshy-ǵalymnyń ómirindegi negizgi oqıǵalarǵa qysqasha toqtalyp ótti. Sonymen qatar, tarıhshylar atynan Qazaqstan tarıhy jáne áleýmettik-gýmanıtarlyq pánder kafedrasynyń oqytýshysy Ǵ.Málik sóz sóıledi. Elimizdiń jarqyn bolashaǵy úshin kúresken, ózderiniń bar kúsh jigerlerin, ómirlerin sarp sarp etken azamattardy, alash zııalylaryn eske alyp, qurmet kórsetý, el úshin jasap ketken eńbekterin aıtyp otyrý urpaqqa úlgi.
ALMATY