Qazaqstan Respýblıkasy Ortalyq saılaý komıssııasy Qazaqstan Respýblıkasy máslıhattary depýtattarynyń kezekti saılaýyn taǵaıyndaý týraly qaýlysyna qol qoıdy, dep habarlaıdy Egemen.kz Ortalyq saılaý komıssııasynyń baspasóz qyzmetine silteme jasap.
Qazaqstan Respýblıkasy Ortalyq saılaý komıssııasynyń qaýlysy
Qazaqstan Respýblıkasy máslıhattary depýtattarynyń kezekti saılaýyn taǵaıyndaý týraly
«Qazaqstan Respýblıkasyndaǵy saılaý týraly» Qazaqstan Respýblıkasynyń 1995 jylǵy 28 qyrkúıektegi Konstıtýsııalyq zańynyń 12-babynyń 14) tarmaqshasyna, 101-babynyń 2-tarmaǵyna, 103-babynyń 7-tarmaǵyna, 104-babynyń 8-tarmaǵyna sáıkes Qazaqstan Respýblıkasy Ortalyq saılaý komıssııasy QAÝLY ETEDI:
2021 jylǵy 10 qańtarǵa Qazaqstan Respýblıkasy máslıhattary depýtattarynyń kezekti saılaýy taǵaıyndalsyn. Máslıhattar depýtattyǵyna kandıdattardyń partııalyq tizimderin usyný merziminiń aıaqtalýy 2020 jylǵy 4 jeltoqsanda jergilikti ýaqyt boıynsha saǵat on segizge deıin belgilensin. Máslıhattar depýtattyǵyna kandıdattardyń partııalyq tizimderin tirkeý merziminiń aıaqtalýy 2020 jylǵy 10 jeltoqsanda jergilikti ýaqyt boıynsha saǵat on segizge deıin belgilensin. Oblystyq, respýblıkalyq mańyzy bar qalalar jáne Respýblıka astanasynyń saılaý komıssııalary Qazaqstan Respýblıkasy máslıhattary depýtattarynyń saılaýyn ázirleý men ótkizýdi qamtamasyz etsin Osy qaýly Qazaqstan Respýblıkasy Ortalyq saılaý komıssııasynyń ınternet-resýrsynda ornalastyrylsyn.
Tóraǵa B.Imashev
Hatshy S.Mustafına
Nur-Sultan qalasy, 2020 jylǵy 21 qazan,
№ 29/334