Keshe onlaın formatta ótken Qazaqstandyq ınvestısııalyq forýmda Qazaqstannyń ınvestısııalyq múmkindikteri talqylandy. Is-sharany «Samuryq-Qazyna» UÁQ» AQ «Kazakh Invest» UK» AQ jáne Qazaqstannyń Ulybrıtanııadaǵy Elshiligimen seriktestikte uıymdastyrdy. Forýmǵa «Samuryq-Qazyna» AQ basqarma tóraǵasy Ahmetjan Esimov, qordyń portfeldik kompanııalarynyń basshylary, Ulybrıtanııa men Qazaqstan bıznes-qaýymdastyqtarynyń ókilderi qatysty.
Qor basshysy Ahmetjan Esimov forýmnyń onlaın-sessııasyn asha otyryp, pandemııanyń alǵashqy tolqyny kezinde alynǵan tájirıbe negizgi óndiristik kórsetkishterdiń eleýli tómendeýine, kásiporyndardyń toqtap qalýyna nemese óndiristik personaldyń qysqarýyna jol bermeı, syn-qaterlerge tótep bergenin atap ótti.
Sonymen qatar korporatıvtik basqarýdyń ozyq ádisterin engizý, negizgi basqarý sheshimderin qabyldaý tásilderin jetildirý BUU-da joǵary baǵalanady. Eske sala keteıik, ótken aptada BUU «Samuryq-Qazyna» qoryn turaqty damýdy, turaqty damý bastamalary men ESG prınsıpterin júzege asyrýdy qamtamasyz etetin 20 ozyq qordyń tizimine qosty. Aǵymdaǵy jyldyń maýsym aıynda S&R Global Ratings halyqaralyq reıtıngtik agenttigi «Samuryq – Qazyna» AQ-nyń uzaq merzimdi jáne qysqa merzimdi kredıttik reıtıngterin «VV+/V» deńgeıinde rastady, boljam – «Turaqty». Fitch Ratings agenttigi qorǵa «BBB» deńgeıinde reıtıng berdi, boljam «Turaqty/»F2».
«Samuryq-Qazyna» senimdi bıznes-seriktes retinde berik bedelge ıe. UÁQ basshysy Ahmetjan Esimov qazaqstandyq ınvestısııalyq forýmǵa qatysýshylarǵa arnaǵan úndeýinde qordyń qazaqstandyq-brıtandyq ózara árekettesý áleýetin iske asyrýǵa múddeli ekendigin atap ótti.
«Aldaǵy 5 jylda qor Qazaqstan Respýblıkasyndaǵy jańa ınvestısııalardyń úlesin taza aktıvter qunynan 2%-dan 10%-ǵa deıin, al halyqaralyq, tikeleı jáne portfeldik ınvestısııalardyń jalpy úlesin 2028 jylǵa qaraı 20%-ǵa deıin ulǵaıtýdy josparlap otyr», dedi A.Esimov.
Álemdik COVID-19 daǵdarysyna qaramastan, qor qundy ulǵaıtý múmkindikterin izdeýdi jalǵastyrýda jáne ózgermeli álem men ınvestısııalyq ortaǵa ashyq bolyp qala beredi. Tek sońǵy bir jyldyń ishinde qor jalpy somasy 600 mln AQSh dollaryn quraıtyn tikeleı ınvestısııa qorlary arqyly Qazaqstanǵa ınvestısııalardy tartýǵa qoldaý kórsetti.
Sondaı-aq, A.Esimov qor jekeshelendirý baǵdarlamasyn júzege asyrýdy jalǵastyratynyn aıtty. Aǵymdaǵy jyldyń maýsym aıynda qor London qor bırjasynda jáne «Astana» halyqaralyq qarjy ortalyǵynda «Qazatomónerkásip» UAK» AQ aksııalarynyń jáne jahandyq depozıtarlyq qolhattarynyń qosymsha 6,27%-yn ornalastyrdy. London qor bırjasy arqyly tartylǵan ınvestorlardyń úlesi 43%-dy qurady.
Sóziniń sońynda A.Esimov brıtandyq kompanııalardy keleshegi bar salalarǵa ınvestısııa salýǵa shaqyrdy. О́z kezeginde, brıtandyq iskerı qaýymdastyqtyń ókilderi yntymaqtastyqty nyǵaıtýǵa degen eki jaqty nıetterin rastaı otyryp, qormen qarym-qatynastyń jaqsy dınamıkasyn atap ótti jáne Qazaqstandaǵy ınvestısııalyq ahýaldy joǵary baǵalady.