AQSh-ta halyqaralyq qylmystyq top qurý isi boıynsha jaýapqa tartylyp jatqan Anatolıı Golýbchık pen Ilıa Trıncher óz kinálaryn moıyndady. Bul týraly ITAR-TASS habarlady.
Nıý-Iork qalasy Ońtústik okrýginiń bas prokýrory Prııt Bhararanyń aıtýy boıynsha, qazirgi ýaqytta Reseıde turyp jatqan kásipker Alımjan Tohtahýnov atalmysh qylmystyq toptaǵy basty tulǵalardyń biri. AQSh bıligi onyń halyqaralyq oıyn kásibin júrgizgenine senimdi. Tergeý amaldarynyń deregi boıynsha, qylmystyq top adamdardy qorqytyp, olardan aqsha talap etken.
Belgili bolǵandaı, Anatolıı Golýbchık Manhetten federaldy sotynda óz kinásin moıyndaǵan. Ol 20 jylǵa deıin bas bostandyǵynan aıyrylýy múmkin. Al Ilıa Trıncher óz kezeginde zańsyz oıyn kásibin júrgizýge qatysqanyn moıyndady. Oǵan baılanysty 5 jylǵa deıin túrmege qamaý jazasy qarastyrylady.
Aıdar О́risbaev.