Ústimizdegi jylǵy 12 qarasha kúni Germanııada 2010 jyldyń jazynan 2012 jylǵy aqpanǵa deıin eldiń prezıdenti bolǵan Krıstıan Výlftiń isi boıynsha sot otyrysy bastaldy. Bul týraly ITAR-TASS habarlady.
Joǵary memlekettik laýazymda eki jyldan astam ýaqyt otyrǵan tulǵaǵa 2003-2010 jyldary Tómengi Saksonııafederaldy jeriniń premer-mınıstri bolǵan kezinde qyzmettik laýazymyn jeke múddesine paıdalandy degen aıyp taǵylyp otyr. Prokýratýra muny eks-prezıdent pen onyń dosy – bıznesmen jáne kınoprodıýser Davıd Grıonovold arasyndaǵy baılanysta zań talaptaryn buzýshylyq bar dep esepteıdi. Aıyptaýdyń boljamy boıynsha kásipker 2008 jyly Bavarııa astanasyna «Oktoberfest» syra festıvaline qatysýǵa kelgen Výlf pen onyń sol kezdegi áıli Bettınanyń Mıýnhen meımanhanasyndaǵy nómiri úshin 510 eýro aqsha tólegen. Budan basqa, jubaılardy quny 209 eýro turatyn keshki aspen syılaǵan. Al festıval aıaqtalǵan kúnniń týra ertesine Grıonovoldtan Výlftyń atyna hat kelip, onda óziniń jobalarynyń birine qoldaý kórsetýdi ótingen. Arada 2,5 aı ótkende premer-mınıstr sol ótinishti oryndaǵan. Aıyptaýshy jaq osy eki faktiniń qorytyndyda Výlftiń óz ákimshilik resýrstaryn Grıonovold ótinishin oryndaýǵa tikeleı qatysy bar dep esepteıdi. Bul iske, aıtqandaı, kásipkerdiń ózi de laýazymdy tulǵany satyp alǵan adam retinde tartylyp jatyr.
Is sol kezde Výlf premer-mınıstri bolǵan Tómengi Saksonııanyń federaldy jeriniń astanasy – Gannover qalalyq sotynda qaralýda. «Prosestiń sheńberinde 22 otyrys ótkizý josparlanǵan. Ol rojdestvolyq jáne jańajyldyq merekelerden basqa kúnderi aptasyna eki retten ótip turmaq. Verdıkt shashamen kelesi jyldyń mamyr aıynda shyǵarylady», - dedi ITAR-TASS tilshisine sottyń baspasóz qyzmetinen.
Bári 2011 jyldyń jeltoqsanynda Bild gazetinde prezıdent pen áıeliniń 2008 jyly Výlftiń jaqyn dosy kásipker Egon Gerkenstiń áıelinen úı satyp alý úshin 500 myń eýro kólemindegi jeńildetilgen kúdikti nesıe alýy týraly maqala jazylǵanynan bastaldy. 2012 jyldyń basynda-aq Výlf osy kredıt týraly Bild-te maqala jarııalanǵaly jatqanyn bildi. Al materıal jaryqqa shyǵardan bir kún buryn ol bas redaktordyń tabloıdynyń avtojaýabyna habarlama qaldyryp, eger zametka shyǵa qalsa, Axel Springer baspasymen barlyq baılanysyn úzetinin aıtyp qorqytqan. Budan keıin Výlf baspa basshysy Matıas Dıopfnermen de, aksıonerlik baspa úıiniń dırektorymen de kezdesedi. Biraq bul kelissózderdiń birde-biri tabysqa jetkizbedi, jarııalanym báribir gazet betinde jaryqqa shyǵyp ketti.
Aqyrynda Krıstıan Výlf 2012 jylǵy aqpan aıynda otstavkaǵa ketýge májbúr boldy.
Sáken Maılybaı.