Áıgili Charlz Chaplınniń uly Iýdjın Chaplın Shymkent sırkinde onlaın qonaqta boldy, dep habarlaıdy Egemen.kz.
Sırk basshysy Arman Mahmýtulynyń áleýmettik jelidegi efırine Shveısarııa memleketiniń Jeneva qalasynan áıgili ártis Iýdjın Chaplın tikeleı baılanysqa qosyldy. Efırde Iýdjın Chaplınniń ómir joly, qazaq sırkiniń ótkeni, búgini,bolashaǵy jaıly sóz qozǵaldy.
Iýdjın Chaplınniń Shymkent sırkine degen kózqarasy týraly aıtyldy. Bolashaqta birge iskerlik qatynasta jumys jasaý jaıy da keńinen talqylandy. Álemdik deńgeıdegi sırk óneriniń dál qazirgi ahýaly, karantındik rejımde qalaı jumys jasap jatqany, sonymen qatar, kıno ındýstrııasy týraly sóz qozǵaldy. Iýdjın Chaplın Shymkent sırki jaıynda serıal túsiretinin estip, shyn júrekten qýanysh sezimin jetkizdi.
Sırk qyzmetkerleri onlaın efırdi led ekran arqyly tamashalady. Iýdjın myrza Shymkent sırkiniń jankúıerlerine, kórermenderine óz rızashylyǵyn bildirdi. Bolashaqta Qazaq elindegi sırk óneriniń álemdik deńgeıde kórgisi keletinin jetkizdi. Orta Azııa elderindegi sırk ártisteri Eýropaǵa kelip, sol jerdegi sırk ártisterimen birge tájirıbe almasýǵa shaqyrdy. Qazaqstandaǵy jáne Shvesvrııadaǵy kórermender onlaın efırge kirip, óz suraqtaryn qoıyp, jyly lebizderin jaýdyrdy.