Byltyr Jańaarqa aýdanynda aqyn, memleket jáne qoǵam qaıratkeri Sáken Seıfýllınniń 125 jyldyǵy men aýdannyń 90 jyldyq mereıtoıy aıasynda bir mezette myń kúbide 10 myń lıtr qymyz pisý jobasy sátti iske asyrylǵan edi.
Aıta ketý kerek, jańaarqalyq qyz-kelinshekter qol jetkizgen bul nátıje halyqaralyq sarapshylar tarapynan resmı túrde maquldanyp, rekordtyq kórsetkish retinde tirkelgen bolatyn.
Taıaýda, qalyń qazaqty tańdaı qaqtyrǵan osy ıgi istiń qurmetine arnap aýdan ortalyǵyna kire beris jerde «Myń kúbi» músini ornatyldy. Eskertkishtiń qoıylýyna kent ákimdigi muryndyq bolyp, jaqsy bastama jańaarqalyq belsendi azamattar tarapynan qoldaý tapqan.
«Kúbi pisken qazaq qyzynyń ǵajaıyp músini ótkendi eske salyp, ólkemizdiń kórkine kórik qosady», deıdi eskertkishtiń ornatylýyna at salysqan el azamattary.
Qaraǵandy oblysy,
Jańaarqa aýdany