Aýtızm spektriniń buzylysy bar jas qyzmetkerge qatysty jaǵdaı qoǵam nazaryn aýdardy. Burger King Kazakhstan meıramhanalar jelisinde jumys istegen Álibek Qarataıdyń anasy ulyna jumys ornynda qysym kórsetilgenin aıtyp, bul jaıtty ashyq kóterdi. Onyń aıtýynsha, shamamen tórt jyl boıy aspaz bolyp eńbek etken jas jigit sońǵy ýaqytta qalyptasqan ahýaldyń saldarynan jumystan ketýge májbúr bolǵan, dep jazady Egemen.kz.
Kompanııa tarapy bul aıyptaýlardy joqqa shyǵaryp, qyzmetkerdiń jumystan shyǵarylmaǵanyn málimdedi. Resmı túsindirmede jaǵdaıdy retteýdiń birneshe nusqasy usynylǵany, sonyń ishinde basqa meıramhanaǵa aýysý múmkindigi qarastyrylǵany aıtyldy. Sondaı-aq kompanııa ókilderi qyzmetker men onyń otbasynyń qatysýymen dıalogqa daıyn ekenin jetkizdi.
Aýtızm: genetıkalyq syrqat pa, psıhologııalyq aýrý ma?
Osy máselege baılanysty Eńbek jáne halyqty áleýmettik qorǵaý mınıstrligi resmı málimdeme jasady. Mınıstrliktiń habarlaýynsha, jaǵdaı baqylaýǵa alynǵan.
«Almaty qalasynyń memlekettik eńbek ınspektory Álibek Qarataıdyń turǵylyqty jerine bardy. Qyzmetkerdiń ákesimen telefon arqyly sóılesý barysynda ótinish berý tetikteri men eńbek zańnamasynda kózdelgen kepildikter jóninde jan-jaqty túsindirme jumystary júrgizildi», delingen mınıstrlik taratqan aqparatta.
Múgedek balalardyń ata-analaryn qorlaǵan blogerge sot úkimi shyqty
Sondaı-aq vedomstvo jumys berýshiden alynǵan málimetke súıene otyryp, «QSR» JShS (Burger King) uıym ishinde qyzmettik tekserý júrgizip jatqanyn habarlady.
«Tekserý kezeńinde basshylardyń birin ýaqytsha qyzmetinen shettetý týraly sheshim qabyldandy», dep atap ótti mınıstrlik.
Áleýmettik qyzmet kórsetetin uıymdardyń jumysy qalaı ózgeredi?
Mınıstrlik aldaǵy ýaqytta jaǵdaıdyń damý barysy jóninde qosymsha aqparat beriletinin málimdedi.