Berik Ýálı: О́ńirdegi ózekti máseleler kezeń-kezeńimen sheshilip keledi

– Berik Ýálıuly, Abaı oblysyna ákim bolǵan bir jyl kóleminde BAQ ókilderine arnaıy suhbat bergen emessiz. Ákim retindegi alǵashqy suh­ba­tyńyzdy «Egemen Qazaqstan» gaze­tine berýge keliskenińizge rahmet. Memleket basshysynyń taǵaıyn­­daýy­men Abaı oblysynyń ákimi qyzmetine kiriskenińizge búgin týra bir jyl tolyp otyr. Bul – sizdiń óńir basshysy retindegi alǵashqy jumys tájirıbeńiz. Osy ýaqyt kóleminde ózińiz týyp-ósken ólkede qandaı oń ózgerister boldy?

– Bir jyldyń kóleminde qandaı ózgerister bolǵanyn oblys turǵyn­da­ry­nan suraǵan durys shyǵar. Atqarylǵan jumystardyń baǵasyn eń áýeli halyq beredi ǵoı. Degenmen bir jylda ár salada biraz júıeli jumys júrgizildi.

Memleket basshysy Qasym-Jomart Toqaev meni týǵan jerim – Abaı oblysyna ákim etip jibergende aldyma birqatar mindet qoıdy. О́ńirdegi áleýmettik-ekono­mıkalyq máselelerdiń sheshilýi tur­ǵyndardyń turmys deńgeıin arttyrýǵa tikeleı yqpal etetinin aıtyp, Úkimetpen birge óńirdi qar­qyndy damytý joldaryn qaras­ty­ryp, ózekti máselelerdi kezeń-kezeńimen sheshýdi tapsyrdy. Bul baǵytta biz eń áýeli «Aýylda densaýlyq saqtaýdy jańǵyrtý» ult­tyq jobasy aıasynda oblys­ta saly­nyp, qurylysy sozylyp ketken 65 medısınalyq-sanıtarlyq alǵashqy kómek nysany qurylysyn aıaqtap, byltyr turǵyndardyń ıgiligine berdik.

«Keleshek mektepteri» ulttyq jobasy sheńberinde boı kótergen mektep­­ter­diń qurylysy da kesteden keshigip qalǵan eken. Merdigerlerge qatań talap qoıyp, nátıjesinde, 2025 jyly oblysymyzda 4 zamanaýı mektep ashyldy. Besqaraǵaı aýdanynda 300 oryndyq, Aıagóz aýdanynda 600 oryndyq, Semeı qalasynyń Qaraǵaıly shaǵyn aýda­nynda 1200 oryndyq, Vodnyı kentinde 600 oryndyq mektep paıdalanýǵa berildi. Vostochnyı kentinde osy baǵdarlamamen 300 oryndyq mekteptiń qurylysy aıaqtaldy. Tórtinshi toqsanda ashýdy josparlap otyrmyz.

Byltyr Memleket basshysynyń tapsyrmasyna saı Abaı Qunan­baıuly­nyń 180 jyldyǵy laıyq­ty deńgeıde atalyp ótti. Tuńǵysh ret 10 kúndik retinde ótken hakimniń mereıtoıynda túrli mádenı-rýhanı, tanymdyq, ıntellektýaldyq is-sharalar uıymdastyryldy. Keshen­­di jospar aıasynda ensıklo­pedııa­lyq portaldyń, Abaıǵa qatys­­ty birqatar kitaptyń tusaý­keseri, ǵylymı konferensııa, jas­tar arasynda ıntellektýaldyq saıys jáne Qaraýylda ulttyq oıyn­­­dar syndy halyqaralyq, res­pýb­­lıkalyq, óńirlik deńgeıde 100-den astam is-shara atqaryldy.

– Semeı oblysy 1997 jyly jabylyp, 2022 jyly Prezıdenttiń Jarlyǵymen Abaı oblysy bolyp qaıta ashyldy. Alaıda osy aralyqta óńir áleýmettik-eko­no­mıkalyq damý jaǵynan bir­shama kenje qalǵany ras. 25 jylda qordalanǵan túıtkildi máse­lelerdiń túıinin tarqatýǵa, to­lyq eńserýge qansha ýaqyt qajet?

– О́zińiz aıtqandaı, Semeı oblysy taraǵannan keıingi 25 jylda ár salada máselelerdiń qor­da­lanyp, uly­­lar týǵan qasterli ólke ózine tıesili en­shi­sinen qaǵy­lyp, kósh sońynda qalǵany jasyryn emes. Bir ǵana resmı derek keltireıin. Ulttyq ekonomıka mınıstrliginiń málimetinshe, 2024 jyldyń qorytyndysyna saı óńir­lik stan­darttar júıesi boıynsha obek­tilermen jáne kórsetiletin qyzmettermen qamtamasyz etý deńgeıi 64,1 paıyzdy qurady. Al Abaı oblysynda bul kórsetkish respýb­lıkada eń tómen deńgeıde. О́ńirdiń ınfraqurylymmen qamtylýy 56,3 pa­ıyz bolyp otyr. Jaqynda Úkimettiń keńeıtilgen otyrysynda Memleket basshysy osy máselege erekshe nazar aýdaryp: «Ásire­se jańadan qurylǵan Abaı jáne Ulytaý oblystarynda ınfraqurylym jet­kiliksiz. Almaty oblysynda da ahýal ­máz emes. Bul aımaqtardyń damýyna aıryqsha nazar aýdarý qajet», dep jańadan qurylǵan oblystarǵa naqty qoldaý kórsetý qajettigin aıtty. Árıne, óńirdegi uzaq jyl boıy qordalanǵan máselelerdi sheshý úshin ýaqyt pen tıisti qoldaý qajet. Abaı oblysy Prezı­­­dent pen Úkimet tarapynan naqty qol­daý­­dy anyq sezinip otyr.

Oblysymyzdyń shırek ǵasyr­dan keıin qaıta ashylyp, tarıhı ádilettilik­tiń saltanat qurýy – tikeleı Memleket bas­shy­synyń qamqorlyǵy ekeni barshaǵa bel­gili. Qazir óńirimizdegi ózekti máse­leler birtindep sheshimin ta­ýyp, eko­nomıkada turaqty ósim baı­qalyp, tur­­ǵyndardyń ál-aýqaty jaqsaryp kele­di. Mysaly, byl­tyr­ǵy 9 aıdyń qory­tyn­dysynda Abaı oblysy­­­nyń jalpy óńirlik ónimi 101,5 paıyzdy qurap, 2 trln 385,8 mlrd teńgege jetti. Byl­tyr óńir ekonomıkasynyń 12 negizgi kórsetkishiniń 10-ynda ósim qamtamasyz etildi. Aýyl sharýashylyǵy - 101,1 pa­ıyz, óńdeý ónerkásibi – 102,9, ishki saýda – 103,5, turǵyn úıdi paıdalanýǵa berý – 105,8, baılanys – 106, qurylys – 106,2, ınvestısııalar – 106,8, kólik salasy 125,9 paıyzǵa oryndaldy. О́tken jyly memlekettik bıýdjetke Abaı oblysynan 648,7 mlrd teńge salyq tústi, bul – 2024 jylmen salystyrǵanda 135,5 paıyzǵa artyq. Menshikti kiristerdiń ósý qarqyny boıynsha oblys respýblıkada ekinshi orynda tur.

– Byltyr 17 mamyrda óńirdiń aldaǵy damý josparyn jarııa ettińiz. Sol kezde Semeı qala­syn­da «Smart City» atty jańa shaǵyn aýdannyń salynatynyn aıt­tyńyz. Qurylys bastaldy ma?

– Semeı qalasynyń tarıhı orta­ly­ǵynyń ınfraqurylymy ábden eskirgen. Osyny eskere otyryp, jańa ákimshilik-iskerlik ortalyq salý maqsatynda jańa aýdan qurý týraly she­shim shy­ǵardyq. Qazirgi ýaqytta jańa aýdan­nyń damý tujyrymdamasy ázir­­­lenip, onyń aıasynda qalanyń bas josparyn túzetý ári egjeı-tegjeıli josparlaý jobalaryn ázir­leý jumysy júr­gizilýde. Atal­ǵan joba Semeı qala­synyń soltústik bóliginde, jalpy kólemi 1200 gek­tardan astam bos aýmaqta júzege asyrylady. Munda 75 myń tur­ǵynǵa arnalǵan zamanaýı tur­ǵyn úı keshenderi, 40-tan astam ákim­shilik, kommersııalyq jáne áleýmettik nysandar salynady.

Oblysymyzda Memleket bas­shy­sy­nyń qoldaýymen Abaıdyń 180 jyl­­dyǵyna oraı «Abaıǵa qurmet» respýb­lıkalyq aksııa­sy bastalǵany belgili. Búginde oblys ákimdigi aksııa aıasyndaǵy jobalardy júzege asyrý boıynsha óńirlermen belsendi jumys júrgizilip jatyr. Aksııany alǵash­qy­lardyń biri bolyp Mań­ǵystaý oblysy qoldap, Dos­tyq úıiniń qurylysyn bastady. Túrkistan oblysy kórme ortalyǵyn, Qyzylorda oblysy «Anaǵa taǵzym» ǵımaratyn, Atyraý oblysy «Abaı álemi» ortalyǵyn, Soltústik Qazaqstan oblysy Memlekettik rámizder alańyn, Aqtóbe oblysy Jekpe-jek saraıyn, Pavlodar oblysy ústel tennısi ortalyǵyn, Qaraǵandy oblysy botanıkalyq baq, Batys Qazaqstan oblysy jelilik saıa­baq, Qostanaı oblysy rýha­nııat ortalyǵyn, Almaty qalasy medıaortalyq, Astana qalasy «Keleshek» mektebin salyp berse, Shyǵys Qazaqstan oblysy Ertis ózeni jaǵa­laýyn abattandyrady. Rámizder alańy Beı­bitshilik aralynda, Jekpe-jek saraıy qalanyń sol jaǵalaýynda, Zarıa shaǵyn aýda­nynda boı kóteredi. Shym­kent qalasy shyǵarmashylyq orta­lyǵymen qatar Semeı qalasynyń Vodnyı kentine Mádenıet úıin syıǵa tartpaq. Osylaısha, «Abaıǵa qurmet» aksııasy aıasynda jańa shaǵyn aýdannyń ǵana emes, oblys ortalyǵynyń ár aýmaǵy abat­tandyrylyp, jańa keıipke ene­di. Aksııany iri ınvestorlar da qoldap otyrǵanyn iltıpatpen aıta ketken jón. Atap aıtsaq, «KAZ Minerals» kompanııalar toby jańa shaǵyn aýdan­da 25 myń kórermenge arnalǵan jańa sta­dıon qurylysyn bastap ketti. Budan bólek, jeke qoǵamdyq qordyń esebinen 5 myń adamǵa arnalǵan jańa meshittiń irgetasy qalandy. Osy baǵyt bo­ıynsha basqa da iri ınvestorlarmen, irgeli kompanııalarmen tıisti jumystar júrgizilip jatyr.

– Abaı oblysynda ınves­tor tartý baǵytynda aýqymdy jumys atqarylyp jatqanyn baı­qaımyz. Bul rette ózińiz­diń bastamańyzben qolǵa alynǵan «Týǵan jerge týyńdy tik» joba­synyń jóni bólek. Joba aıasynda búginge deıin qandaı jumys­tar júzege asyryldy?

– Byltyr maýsym aıynda Semeıde «Týǵan jerge týyńdy tik» ınvestısııalyq forýmyn ótkizgende 500-ge jýyq kásipker jınaldy. Mańyzdy shara aıasynda jalpy qarjysy 336 mlrd teńgeni qu­raıtyn 15 memorandýmǵa qol qo­ıyldy. Forýmnyń alǵashqy naq­ty nátıjesi – byltyr Ce­meı­de Jańa jyl qarsańynda ashylǵan «Pana Unique Semey» bes juldyzdy qonaqúı-meıramhana kesheni. Jobanyń jalpy quny – 5,7 mlrd teńge, 105 jańa jumys orny quryldy. Mundaı qonaqúı qalamyzda buryn-sońdy bolǵan emes. Forým aıasyndaǵy kelisimderge sáıkes iske asyrylyp jatqan aýqymdy jobalardyń biri – ­­­­­zamanaýı et kombınaty. Qazir Jańasemeı aýdanynda qýattylyǵy jylyna 11 400 tonna et jáne et ónimderin tereń óńdeıtin óndiristik keshenniń qurylysy qarqyndy júrgizilýde. Aǵaıyndy Saılaý jáne Erlan Muqashevter jetekshilik ete­tin «Eurasia Agro Semey» JShS jú­ze­ge asyryp jatqan joba óńirdiń aýyl sharýashylyǵy men azyq-túlik óner­ká­sibin damytýǵa tyń serpin bermek. Jobanyń jalpy quny – 7,7 mlrd teńge. О́ndiristik keshendi bıyl tamyz aıynda iske qosý jos­parlanyp otyr. Sondaı-aq «Qazaq Astyq Group» kompanııasy qazirgi ýaqytta Semeıde kúnbaǵys maıyn tazartý, quıý jáne qaptaý sehyn salyp jatyr. Joba quny – 7,1 mlrd teńge, 100-den astam jańa jumys orny qurylatyn bolady.

О́ńirde ınvestısııa tartý baǵy­tynda júıeli jumys júr­gi­zilip keledi. Osy­nyń nátıjesinde 2025 jyly iske asy­rylǵan jobalar sany 29-dan 101-ge deıin artty. Jyl qorytyndysynda jal­py quny 24,1 mlrd teńge bolatyn 15 ınvestısııalyq joba iske qosylyp, 391 jańa jumys orny quryldy. Sony­men qatar quny 605,5 mlrd teńge bolatyn 48 jobadan turatyn óńirlik ın­ves­tısııalyq pýl qalyptastyryldy. Byltyr oblysqa ınvestısııa tartý maqsatynda 100-den astam sheteldik ınvestorlarmen kez­destim. Halyqaralyq ekono­mı­kalyq yntymaqtastyqty nyǵaıtý maq­satynda «Úlken Altaı» halyq­aralyq sýbóńirlik konferen­sııasy aıasynda Qytaı Halyq Respýb­lı­ka­synyń iri kompanııalarymen jal­py quny 1,5 mlrd dollardy quraı­­tyn 15 memorandýmǵa qol qoıyldy.

Indýstrııalyq ınfraqury­lym­dy damytý baǵytynda da tıisti jumys júr­gizilip jatyr. Semeı qalasyndaǵy aýmaǵy 96 gektardy quraıtyn «О́ndiris» ındýs­­trııa­­­lyq aımaǵyn 190 gektarǵa deıin keńeı­tip, shaǵyn ónerkásip parkin qurý jumysy qolǵa alynyp jatyr.

– О́ńirdegi qurylysy toqtap turǵan nemese múlde baıaý­lap qalǵan nysan­­dar­ǵa jan bitip, onyń birqatary iske qo­syl­ǵa­nyn bilemiz. Naqty qan­­daı ǵı­ma­rattar tolyq aıaqtalyp, el ıgi­li­gi­ne berildi?

– Byltyr jeltoqsan aıynda Semeıde 500 balaǵa shaqtalǵan, aýysymmen 1500 oqýshyǵa deıin qabyldaı alatyn Oqýshylar saraıy ashyldy. Memleket basshy­synyń arnaıy tapsyrmasymen qurylysy bastalǵan jańa Oqý­shy­lar saraıy – Abaı oblysy qurylǵaly beri salynyp bitken tuńǵysh áleýmettik nysan. 2023 jyly bastalǵan bul joba Premer-mınıstrdiń 2024–2026 jyldarǵa arnalǵan jol kartasyna engizilgen. Alaı­da qarjylyq qıyndyqtarǵa baılanysty qurylysy toqtap qalǵan bolatyn. Byl­tyr Úkimettiń qoldaýymen 7,6 mlrd teńge qarjy bólinip, oqýshylardyń ıgiligine berilip, elimizdegi 10-ynshy Oqýshylar saraıy boldy.

2025 jyly shekara shebindegi Maqan­­shy aýdanynyń ortalyǵy Maqan­shy aýylyndaǵy dárigerlik ambýlatorııany ashtyq. Jergilikti halyqqa asa qajet nysan qurylysy 27 jyldan astam ýa­qyt aıaqtalmaı, «saqaldy qurylysqa» aınal­ǵan bolatyn. Joba respýblıkalyq «Aýyl – el besigi» baǵdarlamasy aıasynda júzege asyryldy.

– Ár óńirdiń ózine tán eko­no­­mı­ka­lyq, týrıstik jáne áleý­mettik erek­she­likteri, ıaǵnı ımıdji bolady. Siz Abaı obly­­­sy­nyń negizgi erek­sheligi men báse­kelestik artyq­shy­ly­ǵyn qalaı sıpattar edińiz? Osy erek­­she­likke saı oblysty qalaı damy­­týǵa bo­lady? Týrıstik áleýe­­tin qalaı art­tyr­ǵan durys dep oılaısyz?

– Abaı oblysy men Semeı qalasynyń negizgi ımıdji – Alash. Bul jer – kúlli qazaq dalasyna sáýle shashqan ulylar mekeni. Barsha órkenıet jańalyǵy bol­ǵan tuńǵysh­tardyń bastaý alǵan jeri. Qazaqtyń alǵashqy ­teatr qoıylymynyń osy óńirde qoıylýy, alǵashqy kásibı ánshi Ámire Qashaýbaevtyń dúnıege kelýi, alǵashqy baspanyń ashylýy, tuńǵysh fýtbol klýbynyń osynda qurylýy, alǵashqy telegraf, alǵashqy banktiń, tipti, alǵashqy sırktiń de osynda bastalýy bári de – qutty mekenimizdiń progress otany ekeniniń aıǵaǵy. «Alǵashqy teatr qoıylymy» dep aıttyq qoı. Teatr degennen shyǵady, Semeı qalasynda 45 jyldan beri birde-bir jańa mádenı oshaq salynbaǵan eken. 1981 jyly salynǵan ǵımarat – Abaı teatry. Búginde munda úsh birdeı ujym jumys istep otyr. Aldaǵy ýaqytta Semeıde Prezıdenttiń tikeleı qoldaýymen jańa drama teatr salynady. Memleket basshysy muny Qyzylordada ótken Ulttyq quryltaıda erekshe atap ótti.

Oblysymyzdyń taǵy bir erek­she­ligi – aýyl sharýashylyǵy, onyń ishinde mal sharýa­shylyǵyn damytýǵa qolaıly­lyǵy. Abaı oblysynda kezinde qoı sharýashylyǵy aldyńǵy qatarda boldy. Tarıhı qalyptasqan qoı sharýashy­ly­ǵynyń áleýetin tolyq paıdalaný maqsatynda Abaı oblysynyń 2026–2030 jyldarǵa arnalǵan sala­­­lyq baǵdar­la­ma­syn ázirlep jatyr­­myz.

2025 jyly oblystyń aýyl sharýa­shylyǵy salasyna tartylǵan tike­leı ınvestısııalar kólemi 45,2 paıyz­ǵa ósip, 63 mlrd teńgege jetti. О́ńir­de agro­ónerkásiptik keshendi damytý maqsatynda 2026–2028 jyldar aralyǵynda jalpy quny 77,3 mlrd teńgeni quraı­tyn 16 ınvestısııalyq joba iske asy­rylady. Atalǵan jobalar ishki naryqty sapaly, tabıǵı ári jergi­likti ónimdermen qamtamasyz etýge múmkindik beredi.

– Aýyl sharýashylyǵy – mańyzdy sala. Jaqynda áleý­met­tik jelidegi paraqshańyzda «Obly­sy­myzda aýyldy damytý, kóterýge «Qa­ladan – aýylǵa» atty jańa qanat­qaq­ty joba, keshendi baǵdarlama bas­taý­dy josparlap otyrmyz» degen edińiz...

– Bul jobanyń maqsaty – altyn besik aýyldy túletý, óńir tur­ǵyndarynyń ál-aýqatyn jaq­sartý. Baǵdarlama aıasynda qaladan aýylǵa kóshkisi keletin azamat­tarǵa naqty kómek kórsetiledi. Shetelden qonys aýdarǵysy keletin qandas­tarymyzdy da qushaq jaıa qarsy alamyz. Jalpy, Úkimet tarapynan aýyl halqyna baǵyttalǵan bar­lyq baǵ­dar­la­ma­nyń basyn qosyp jáne Abaı oblysy ákim­digi tarapynan aýylǵa kóship kelem deýshilerge kórsetiletin qoldaý­lar­dy jınaqtap, «Qaladan – aýylǵa» atty jańa jobany eldiń nazaryna usynǵaly otyrmyz. Bul qanatqaqty joba arqyly aýylǵa qonys aýdarý­shylarǵa bıznes júrgizýge, baspanaly bolýǵa, mal alýǵa ártúrli mem­lekettik baǵdar­lamalar arqyly jeńildetilgen nesıe beriledi.

– Aýyl týraly sóz qozǵadyq qoı. О́zińizdiń aýyldardy jıi aralaı­tynyńyzdy jaqsy bile­miz. Byltyr 161 kúnińizdi aýdandarda ótkizgen eken­siz. О́ńirdegi aýyl­dardyń ózekti máselesi qa­laı sheshilip jatyr?

– Aýyldardy jıi aralaıtynym ras. Aralaǵanda shalǵaıdaǵy eldi mekenderge arnaıy baramyn. Aýyldardy ara­­la­ǵan­­nyń paıdasy – el-jurtpen tikeleı betpe-bet sóılesip, máseleni óz kózińmen kóresiń.

Endi suraǵyńyzǵa kelsek, oblysta aýyldyq eldi mekenderdiń ınfraqury­ly­myn nyǵaıtý baǵy­tyn­da júıeli ju­mys júrgizi­lip jatyr. Byltyr Kók­pekti aýda­ny­nyń Kókpekti aýylynda júzý basseıni, Borodýlıha aýdanynyń Petropavlovka aýylynda sporttyq saýyqtyrý ortalyǵy, Jańasemeı aýda­ny­nyń Alǵabas aýylynda sport kesheni, Maqanshy aýdanynyń Qarabulaq aýylynda jáne Úrjar aýdanynyń Janaı aýylynda sport modýli ashyldy. Qazir­ Kýrchatov qalasynda deneshynyqtyrý-saýyq­tyrý kesheni, Aıagóz­de sport kesheni, Abaı aýdanynyń Sarjal, Kókbaı aýyldarynda, Jarma aýdanynyń Jańǵyztóbe aýy­lynda, Besqaraǵaı aýdanynyń Ernazar aýylynda, Aqsýat aýdanynyń Oıshilik aýy­lynda sporttyq modýlderdiń, Shar qalasynda, Besqaraǵaı aýda­ny­­nyń Besqaraǵaı aýylynda, Jarma aýdanynyń Qalbataý aýylynda júzý basseınderi salynyp jatyr.

– Oblystyń densaýlyq saqtaý salasynda da qordalanǵan másele az emes. Aýrýhanalar jetispeıdi, bary­nyń ózi eskirgen. Osy túıt­kil­­derdiń túıini qashan sheshil­mek?

– Bul salada másele kóp ekenin ja­syr­maımyz. Ony ashyq aıtyp ta júr­miz. Jyl basynda, qańtar aıynyń sońynda Semeı qala­syn­daǵy oblystyq jedel medı­­sı­nalyq járdem stansasyna 10 sanı­tarlyq avtokóliktiń kiltin saltanatty túrde tabystadyq. Bul nysan qazirgi tańda sanıtarlyq avto­kóliktermen tolyq qam­ta­masyz etilgen. Alaıda tehnı­­ka­­lar­dyń jalpy tozý deńgeıi 90 paıyzdan asady. Osy máseleni sheshý úshin byltyr «Abaı oblysy medısınalyq uıymdary úshin sanıtarlyq avtokólik satyp alý» jobasy sheńberinde «О́nerkásipti damytý qory» AQ-men bir­lesip, oblystyq bıýdjet qarajaty ese­binen lızıngtik qarjylandyrý arqyly Hyundai, JAC jáne «Gazel» markaly 100 sanıtarlyq avtokólikter satyp alyndy. Onyń ishinde 67 avtokólik oblystyq jedel medısınalyq járdem stansasyna, 33 avtokólik aýdandaǵy medı­sınalyq uıymdarǵa beriledi. Jańa kólik­terdi bıylǵy qyrkúıek aıyna deıin tabystaıtyn bolamyz. Mundaı jańa kólikter obly­sy­myz­ǵa 2020 jyly alyn­ǵan eken. Iаǵnı bes jarym jyldan beri osy salaǵa jańa kólikter alynbaǵan. О́ńirdiń densaýlyq saqtaý sala­sy­nyń ınfraqurylymyn damytý maqsatynda júıeli jumys júr­gizilýde. Jalpy, 2025 jyly oblystyń densaýlyq saqtaý salasy­­­­nyń materıaldyq-tehnıkalyq bazasyn jań­­ǵyrtýǵa 6 jarym mlrd teńgeden astam qarjy bólindi.

– Ýaqyt bólip, suhbat berge­nińizge rahmet.

Áńgimelesken –

 Baqytbek QADYR,

«Egemen Qazaqstan»