Qurlyqtyq hokkeı lıgasynda (QHL) baq synaıtyn Qazaqstannyń «Barysy» elordadaǵy «Barys Arena» muzaıdynynda Qazannyń «Ak Barsyn» qabyldady.
Halyqaralyq barys kúnine tuspa-tus kelgen eki barystyń básekesinde «Ak Bars» komandasy jeńiske jetti. Kezdesýdiń birinshi kezeńinde hokkeıshiler bir-biriniń qaqpasyna shaıba soǵa almady. Ekinshi 20 mınýttyqty sátti bastaǵan elordalyqtar 22-mınýtta esepti ashty. Shaıba avtory – Nıkıta Mıhaılıs. Degenmen arada 7 mınýt ótken «Ak Bars» shabýylshysy Kırıll Petrov mergendigimen kózge túsip, tarazy basyn teńestirip ketti.
Úshinshi kezeńde Qazan komandasy eptilik tanytty. 43-mınýtta Dmıtrıı Iýdın komandasyn alǵa shyǵarsa, kezdesýdiń aıaqtalýyna úsh mınýt qalǵanda Vıktor Tıhonov «Ak Barstyń» úshinshi shaıbasyn soǵyp, kezdesýdiń núktesin qoıdy. Qorytyndy esep – 3:1. «Barys» kelesi kezdesýin búgin Novosıbırskide «Sıbır» komandasymen ótkizedi.