Qaraǵandy oblysynda uıymdasqan qylmystyq top anyqtaldy, dep habarlaıdy Egemen.kz Qarjy monıtorıngi komıtetiniń baspasóz qyzmetine silteme jasap.
Top 2 jyldan asa ýaqyt zańsyz oıyn bıznesimen aınalysqan.
"2018 jylǵy qańtar men 2020 jylǵy mamyr aralyǵynda 5 adamnan turatyn uıymdasqan qylmystyq top Jezqazǵan jáne Sátbaev qalalarynda 7 zańsyz oıyn ornyn uıymdastyrǵan. Olar 16 mıllıon teńge kóleminde paıda tapqan. Jedel sharalar barysynda zańsyz aınalymdaǵy 200-ge jýyq oıyn jabdyǵy tárkilendi", delingen habarlamada.
Qylmystyq topty Qaraǵandy oblysy boıynsha ekonomıkalyq tergeý departamentiniń qyzmetkerleri anyqtaǵan. Búginde bul fakt boıynsha qylmystyq is sotqa jiberilgen.