Oblystyq bilim basqarmasynyń málimetine súıensek, balabaqshalarda 1126 kezekshi top ashyldy. Oǵan 13202 bala baryp júr. Bul mektepke deıingi uıymdar tárbıelenýshileriniń jalpy sanynyń 39 prosentin qurap otyr. Balabaqshalardyń jumysy sanıtarlyq talaptar men mektepke deıingi uıymdardyń jumys algorıtmine sáıkes uıymdastyrylýda, dep habarlaıdy Egemen.kz
"Kún saıyn ańerteń meıirbıke balalarda respıratorlyq aýrýlardyń bar-joǵyn anyqtaý úshin tekserý júrgizedi. Dene qyzýyn ólshep, balalardyń tamaǵyn tekseredi. Koronavırýstyq ınfeksııanyń aldyn alý maqsatynda tárbıeshiler men ata-analar balalardy qarsy alý, shyǵaryp salý kezinde betperde rejımi saqtaıdy. Balalar men tárbıeshilerdiń saqtyǵy úshin balabaqshaǵa kireberiste, sondaı-aq ár topta sanıtaızerler ornatyldy. Balabaqsha ǵımaratyndaǵy toptyq jaılarda, basqa da bólmeder men ashanada dezınfeksııalaý quraldarymen eki saǵat saıyn ylǵaldy óńdeý júrgiziledi", dep habarlady oblystyq bilim basqarmasynan.
Kezekshi topta shekteý sharalary saqtalyp, balaqaılardyń sabaǵy kún tártibine saı ótkiziledi. Balalar ýaqytyly tamaqtanady. Kúndiz uıyqtap, dalaǵa serýendeýge shyǵady.