«Eshten kesh jaqsy» degen qazaǵymnyń danalyǵyna taǵy bir aıqyn kóz jetip, kóńil sengendeı boldy. Qazaqstannyń halyq jazýshysy, Memlekettik syılyqtyń laýreaty, asa kórnekti qalamger Ázilhan Nurshaıyqovtyń 90 jyldyǵyna arnalǵan saltanatty jıyn merzimi syrǵytylǵanymen taǵylymdy bolyp ótti.
«Eshten kesh jaqsy» degen qazaǵymnyń danalyǵyna taǵy bir aıqyn kóz jetip, kóńil sengendeı boldy. Qazaqstannyń halyq jazýshysy, Memlekettik syılyqtyń laýreaty, asa kórnekti qalamger Ázilhan Nurshaıyqovtyń 90 jyldyǵyna arnalǵan saltanatty jıyn merzimi syrǵytylǵanymen taǵylymdy bolyp ótti.
Qazaq óneriniń qara shańyraǵy osy «ákem teatrda» Ázaǵańnyń 85 jasqa tolý mereıtoıy máńgilik mahabbatqa baǵyndyryp, Erbol men Meńtaıdy saǵyndyryp, Baýyrjan batyr erligine tabyndyryp, el ishi oqyrmandaryn sabyldyryp, bir demde ótkeniniń kýási bolyp edik.
...Sodan, ıá, sodan! Til barmasa da tilenip turǵan sózge ne shara?! Osy shańyraqtan mahabbat jyrshysyn aqtyq saparǵa attandyrǵanbyz...
Endi, mine, «ákem teatr» Ázaǵańdy baýyryna qaıyra bir basqysy kelgendeı, onyń oıly kózinen syr ushqyndaǵan, júzinen nur tamǵan dara kelbetin óz tórine áspettep ilip qoıyp, 90 jyldyǵyn jalyndatyp ótkizip jatyr edi.
Á.Nurshaıyqovtyń óz oqyrmandarynan jasyrǵan syry áste joq shyǵar. Osy keshte endi tyńnan ne aıtýǵa bolar edi? Klassık jazýshynyń tylsymy tuńǵıyq eken-aý. Aıtyldy! Aıtyla bermegi sezildi de. Sonyń biraz tushymdy qaıyrymyn saltanattyń betashar sózin salmaqtap túıindegen senator, Qazaqstan Jazýshylar odaǵynyń tóraǵasy N.Orazalınnyń aýzynan estip, marhabattandyq. Ádepti, ımandy, kúresker, qamqorshyl, ádildik jolynda týrashyl Á.Nurshaıyqov álemi keń aıdyndy, mol qazynaly, tereń aǵysty, orasan tabysty kúıinde qazaq ádebıeti asqar taýynyń sulý bir shoqysyndaı kóz qyzyqtyra bermekshi eken.
Bastapqy sóz saptaý qalaı bolsa, bylaıǵysy da bal dámindeı tamsandyra túspek. Sonyń mysaly: qabyrǵaly qalamgerler S.Dosanovtyń baıandamalyq saryndaǵy – qazaq ádebıetiniń álemdik kórkemsóz dodasyndaǵy daralyǵyn Ázaǵańdaı talantty tulǵamen kelistirip, ádipteýi; T.Kákishevtiń «Mahabbat, qyzyq mol jyldardy» qoljazba kúıinde oqyp, batagóı atanǵanynyń násibi, mine, mol bolǵanyn tarqatýy; M.Aıtqojınanyń osy tańda altyn shapaqqa sharpylyp týǵan jyryndaǵy meıirim shashqan aǵasynyń ór beınesin óshpesteı etip tańbalaýy, myna bir: «Qadiri asyp jurtyna, qurbysyna, Ushyp ketti, aınalyp jyl qusyna... Týǵan eli rıza, týǵan eli, Ázaǵańdaı, Mahabbat jyrshysyna!» – degen jyr joldarynan aıqyn baıqalýy; S.Smataıdyń Ázaǵańnyń ózin bir sáttik maqtaýynyń tumyldyryǵyn ashyp, ǵumyrlyq marqaıýyna sebep bolǵanyn tuzdyqtaýy; S.Aqtaevtyń qazaq ádebıetindegi eń bir tárbıeshil, tálimger jazýshynyń ónegesi haqyndaǵy támsili, bári-bári árkimdi yntyqtyra tartty.
О́z kezeginde osy joldardyń avtory Á.Nurshaıyqov mereıtoıynyń Almatydaǵy joǵary oqý oryndarynda, «Beıbitshilik álemi» shyǵarmashylyq qorynyń (tóraǵasy Á.Nurmanov) bastamashyldyǵymen Shymkentte, Astanada atalyp ótkenin «Folıant» baspasynan (dırektory N.Isabekov) «Áıgili Ázaǵa», «Qudaı-aý, qaıda sol jyldar» estelikteriniń shyqqanyn, О́skemennen «Ázaǵa» kitaby, jazýshy «Estelikteriniń» eki tomdyǵy, qyzy J.Nurshaıyqovanyń qurastyrýymen qos jınaǵy oqyrmandar qolyna tıgenin rýhqa taǵzym retinde baǵalady.
Keshti qorytyndylaǵan Ázaǵańnyń nemeresi Dına Jannurqyzy atasynyń mol derekti muraǵatynyń halyq ıgiligine aınalýy oraıynda atqarylyp jatqan tolymdy ister týraly, sonyń bir parasy – ǵalamtorda arnaıy paraqsha ashylǵanyn habardar etti.
Mereıtoı keshiniń ómildirigi men quıysqanyn kelistirip, keleli áńgimeniń jelisin sátti sýyrtpaqtaı bilgen belgili aqyn Baqyt Bedelhanulynyń tapqyrlyǵy kóńil súısindirdi.
Qaısar ÁLIM,
«Egemen Qazaqstan».
ALMATY.