44834 jolaýshy 6 qazanda PTR-ǵa qatysty shekteý sharalary engizilgen sátten bastap halyqaralyq avıareıstermen keldi. Bul týraly Ortalyq kommýnıkasııalar qyzmetinde ótken brıfıngte Kóliktegi Bas memlekettik sanıtarlyq dáriger Sádýaqas Baıǵabylov málimdedi.
Onyń aıtýynsha, 84% – y anyqtamalarmen, 7540 adam anyqtamasyz kelgen. Olar PTR testterin tapsyrý úshin aýrýhanalarǵa eki kúndik karantınge ornalastyryldy. Onyń ishinde 39 syrttan kelgen jaǵdaı anyqtaldy. Iаǵnı, 426 halyqaralyq avıareıstiń 19-da KVI bar jolaýshylar boldy. Olardyń janynda baılanysta bolǵandar sany 413 adam jáne 44 bortserik. Monıtorıng nátıjeleri boıynsha kontaktilerde de, bortserikterde de COVID-19 anyqtalǵan joq. Aıta keteıik, eki kúndik karantın Nur-Sultan, Almaty, Shymkent, Oral, Aqtóbe, Atyraý, Aqtaý, Qaraǵandy qalalarynda ornalastyrylady.
6 qazannan bastap PTR anyqtamasynsyz shetel azamattaryn elge kirgizbeý týraly qaýlynyń talaptaryn eskere otyryp, 31 jolaýshy qaıtaryldy. Olardyń merzimi ótip ketken nemese test nátıjeleri týraly anyqtama bolmaǵan. Bul Reseı, Ýkraına, Belarýs, Túrkııa, Ulybrıtanııa jáne Germanııa azamattary.