Elbasy, «Samuryq-Qazyna» ulttyq ál-aýqat qoryn basqarý jónindegi keńestiń tóraǵasy Nursultan Nazarbaev Birikken Arab Ámirlikteri Premer-Mınıstriniń orynbasary, Prezıdent isteri jónindegi mınıstri sheıh Mansýr ben Zaıd Ál Nahaıanmen kezdesti, dep habarlaıdy Elbasy.kz.
Kezdesý barysynda ekonomıkalyq yntymaqtastyqtyń ózekti máseleleri talqylandy. Taraptar Qazaqstan Respýblıkasynyń Premer-Mınıstri Asqar Mamınniń jýyrdaǵy sapary kezinde quny 6 mıllıard AQSh dollaryn quraıtyn ınvestısııalyq jobalardy iske asyrý týraly qol jetkizilgen ýaǵdalastyqtardy erekshe atap ótti. Sonymen qatar Elbasy Nursultan Nazarbaev pen sheıh Mansýr mádenıet jáne týrızm salasyndaǵy yntymaqtastyqty damytý perspektıvalaryn talqylady. Sońynda taraptar óńirlik kún tártibindegi ózekti máseleler jóninde pikir almasty.