Bul kúnderi Nur-Sultanda ATR týrnıri ótýde. Birqatar tanymal tennısshiniń basyn qosqan aıtýly jarysta qazaqstandyqtar da óner kórsetýde.
Jerlesterimizdiń arasynan alǵashqy bolyp Dmıtrıı Popko kortqa shyqty. Ol Moldovanyń ókili Radý Albotpen kezdesti. Álemdik reıtıngte qazaqstandyq tennısshi 172 orynda tursa, qarsylasy 85 satyǵa jaıǵasqan. Albottyń «Úlken dýylǵa» sanatyndaǵy týrnırlerde ábden ysylǵan saqa sportshy ekenin aıta ketken jón. 2018 jyly ol AQSh-tyń ashyq birinshiliginiń juptyq saıysynda jartylaı fınalǵa deıin jetken. Osyndaı myqtyǵa tap kelgen Popko óz jankúıerlerin qýantýǵa barynsha tyrysqanymen, jeńis moldovalyq oıynshynyń enshisinde ketti. Esep – 2:1 (6:4, 4:6, 6:4).
Al ózge kezdesýlerde mynadaı esepter tirkeldi: Fernando Verdasko (Ispanııa) – Djeıms Dakvort (Aýstralııa) 2:0 (6:4, 7:6), Tommı Pol (AQSh) – Stefano Travalıa (Italııa) 2:0 (7:6, 6:3), Kameron Norı (Ulybrıtanııa) – Djordan Tompson (Aýstralııa) 1:2 (7:5, 6:7, 2:6) jáne Frensıs Tıafo (AQSh) – Kornenten Mýto (Fransııa) 2:0 (6:3, 6:2).