Elordada tennısten ATP 250 sanatyndaǵy álemdik týrnır jalǵasýda. Keshegi jarys kúninde kortqa shyqqan qazaqstandyq Mıhaıl Kýkýshkın jarysty jeńispen bastady.
Kýkýshkın birinshi kezeńde argentınalyq sportshy, álemniń 76-raketkasy Federıko Delbonıspen kezdesken bolatyn. Úsh setke sozylǵan matchta qazaqstandyq tennısshi 6:7, 6:3, 6:2 esebimen qarsylasynan basym tústi. Jerlesimiz kelesi kezeńde fransııalyq Benýa Permen baq synaıdy.
О́kinishke qaraı, Aleksandr Býblık pen Tımofeı Skatov jarys jolynan shyǵyp qaldy. Býblık álemdik reıtıngte 209-orynda turǵan Makkenzı Makdonaldqa 6:3, 6:2 esebimen jol berdi. Aıta keteıik, Nur-Sultandaǵy jarysqa jalpy sany 28 sportshy qatysyp jatyr.