Bos turǵan ǵımarattardy áleýmettik nysandar, ıaǵnı mektep, balabaqsha, emhana retinde qoldanysqa berilýde. Bul týraly óńirlik kommýnıkasııalar qyzmetiniń onlaın-brıfınginde Almaty Memlekettik aktıvter basqarmasynyń basshysy Rústem Álıev aıtyp berdi.
Qala ákimi Baqytjan Saǵyntaevtyń tapsyrmasy boıynsha, jumysy toqtap turǵan ǵımarattar áleýmettik nysandarǵa - mektepter, balabaqshalar, emhanalarǵa beriledi.
Bıyl qala respýblıkalyq menshikten bos turǵan eki nysandy qabyldady: Túrksib aýdanyndaǵy Tynyshbaev kóshesi, 4/6 mekenjaıyndaǵy, aýdany 491,3 sh.m. úsh lıterden turatyn keshen qaıta jańartylǵannan keıin psıhonevrologııalyq patologııalary bar múgedek balalarǵa arnalǵan 60 orynǵa eseptelgen kúndiz qabyldaıtyn ortalyq ashý josparlanýda.
Bostandyq aýdanyndaǵy Almaly baq kóshesi, 4 A, aýdany 196,9 sh.m. turǵyn úıdegi ǵımaratty "Baqytty otbasy" keshendi baǵdarlamasy aıasynda bul jerde "Isker Ana" ortalyǵyn ashý josparlanýda."Jeke jáne zańdy tulǵalar múlikti qala syıyna óteýsiz bergen kezde syıǵa tartý ádisi - bıznestiń áleýmettik jaýapkershiliginiń úlgisi bolyp tabylady", - dep atap ótti R.Álıev.
Jeke zańdy tulǵalardan syıǵa tartý sharty boıynsha úsh nysan qabyldandy: Bostandyq aýdanynda Egizbaev kóshesi, 7 A, aýdany 3115,7 sh.m. bolatyn balabaqsha. Munda 150 orynǵa eseptelgen №191 memlekettik balabaqsha ashyldy. Balabaqsha tuzdy shahtamen jáne sensorlyq bólmelermen jabdyqtalǵan.
Almaly aýdanyndaǵy Máýlenov kóshesi, 46 mekenjaıyndaǵy "Elit Tower" turǵyn úı kesheniniń birinshi qabatyndaǵy aýdany 217,1 sh.m. turǵyn úı emes ǵımaratty jergilikti turǵyndardyń qajettilikterin eskere otyryp, oqyrmandarǵa qyzmet kórsetý úshin ashyq aımaqtarmen kovorkıng-ortalyq kitaphanasyn ashý kózdeledi (onyń ishinde tilderdi oqytý kýrstary, túrli úıirmeler bar). "Atakent" aýmaǵyndaǵy abattandyrý nysandary - oryndyqtar, ýrnalar, sýburqaqtar. Aýdan ákimdigi kommýnaldyq menshikke ótkennen keıin, ýaqytyly qyzmet kórsetýdi jáne kútim kórsetýdi uıymdastyrdy. Aýdany 59,5 sharshy metr bolatyn Jetisý aýdanyndaǵy bos turǵan ǵımaratty kommýnaldyq menshik obektilerin qaıta bólý arqyly dombyra mektebi ashyldy. Onda balalar halyq aspaptarynda oınaýdy tegin úırenetin bolady.